येत्या रविवारी माध्यमिक व उच्च माध्यमिक शाळांची सुट्टी रद्द

सिंधुदुर्गातील माध्यमिक व उच्च माध्यमिक शाळा रविवारी एक ऑक्टोबर रोजी चालू ठेवाव्यात असा आदेश जिल्हा परिषदेने काढला आहे

माध्यमिक शिक्षणाधिकारी जिल्हा परिषद सुभाष चौगुले यांनी एक पत्र काढून शासनाच्या पत्राचा संदर्भ देत ही अधिसूचना लागू केली आहे शुक्रवार 29 सप्टेंबर रोजी ईद-ए-मिलाद निमित्त सुट्टी जाहीर करण्यात आली होती ही सुट्टी गुरुवारी यापूर्वी जाहीर करण्यात आली होती मात्र ती बदलून शुक्रवारी करण्यात आली यामुळे शुक्रवारी सुट्टी घेऊन रविवारी एक ऑक्टोबर रोजी शाळा चालू ठेवाव्यात असा आदेश माध्यमिक व उच्च माध्यमिक अनुदानित शाळांना काढण्यात आला आहे

ब्युरो न्यूज, सिंधुदुर्ग