कणकवली मतदारसंघात ठाकरे गटाला बसणाऱ्या धक्क्यांची मालिकाच संपेना!
मुणगे आडबंदरमध्ये ठाकरे शिवसेनेला धक्का
अनेक कार्यकर्त्यांचा पालकमंत्री नितेश राणेंच्या उपस्थितीमध्ये प्रवेश
मुणगे आडबंदर येथे ठाकरे गटाला मोठा धक्का बसला असून, अनेक कार्यकर्त्यांनी भारतीय जनता पार्टीत प्रवेश केला आहे. हा पक्षप्रवेश सिंधुदुर्गचे पालकमंत्री ना. नितेश राणे यांच्या उपस्थितीत पार पडला. त्यामुळे कणकवली मतदारसंघांमध्ये ठाकरे गटाला बसणारी धक्क्यांची मालिका संपेना असे चित्र निर्माण झाले आहे. या वेळी रामचंद्र मालाडकर, हेमंत जोशी, लक्ष्मीकांत आडकर, संतोष बादेकर, कमलाकर सारंग, तुषार आडकर, प्रदीप नेसवणकर, उमेश तळवळकर, शंकर आडकर यांच्यासह अनेक कार्यकर्त्यांनी भाजपमध्ये जाहीर प्रवेश केला.
पक्षप्रवेशाच्या वेळी भाजपाचे ज्येष्ठ नेते बाळ खडपे, तालुकाध्यक्ष राजा भुजबळ, तालुका सचिव योगेश चांदोसकर, गोविंद सावंत, भाई पारकर, सदाशिव ओगले आदी पदाधिकारी आणि कार्यकर्ते उपस्थित होते.
या पक्षप्रवेशामुळे मुणगे आडबंदर परिसरात भाजपाची संघटनात्मक ताकद वाढली असून, स्थानिक राजकारणात नव्या घडामोडींना वेग येण्याची शक्यता व्यक्त केली जात आहे.
दिगंबर वालावलकर कणकवली
