कुडाळमध्ये UDID विशेष तपासणी शिबिराचा १७० दिव्यांगानी घेतला लाभ
कुडाळ महिला व बालरुग्णालयात शुक्रवारी दिव्यांग बांधवांसाठी आयोजित करण्यात आलेले विशेष UDID तपासणी व मार्गदर्शन शिबीर उत्साहात पार पडले. या शिबिरात तब्बल १७० दिव्यांग बांधवांनी सहभाग नोंदवत विविध शासकीय योजनांचा, प्रमाणपत्रांचा तसेच उपयुक्त सेवांचा लाभ घेतला. लाभार्थ्यांना UDID कार्ड, वैद्यकीय प्रमाणपत्रे, नोंदणी प्रक्रिया याबाबत सविस्तर मार्गदर्शन करण्यात आले.
कुडाळ येथील हे शिबीर तहसील कार्यालय, सामाजिक न्याय विभाग व आरोग्य विभाग यांच्या संयुक्त विद्यमाने आयोजित करण्यात आले होते. पात्र नागरिकांनी आवश्यक कागदपत्रांसह वेळेत उपस्थित राहून प्रक्रियेत सहभाग नोंदवला. शिबिरातील अधिकाऱ्यांनी दिव्यांग बांधवांसाठी राबवल्या जाणाऱ्या विविध योजनांची माहिती देत, लाभ वेळेत मिळावा यासाठी प्रशासनाकडून पूर्ण सहकार्य राहील, असे आश्वासन दिले. समाधानकारक वातावरणात शिबिराची सांगता झाली.
यावेळी कुडाळ तहसीलदार सचिन पाटील, निवासी नायब तहसीलदार अमरीश जाधव, महसुल नायब तहसीलदार संजय गवस, संजय गांधी सहाय्यक महसुल अधिकारी वैजयंती प्रभू, सहाय्यक महसुल अधिकारी सौ. गीता तांडेल, महाआयटीचे जिल्हा प्रकल्प प्रमुख रुपेश कुणकवळेकर,आयटी असिस्टंट लक्ष्मीकांत परब, ग्राम महसुल अधिकारी श्री. केरकर, श्री. कांबळे, महसुल सेवक अमोल सुतार, सौ. तनुजा कुंभार तसेच डॉक्टर, वैद्यकीय पथक आणि ऑपरेटर्स उपस्थित होते.
यावेळी नेत्रचिकित्सक डॉ. जोशी, ऑर्थोपेडिक सर्जन डॉ. निखिल अवधूत, ईएनटी सर्जन डॉ. श्याम राणे, संगिता टिपरसे, क्लिनिकल मानसशास्त्रज्ञ रेश्मा भाईप, फिजिओथेरपिस्ट योगिता शिंदे, स्पीच थेरपिस्ट श्रीधर पोवार, विजय जाधव, प्राची सावंत आदींची उपस्थिती होती. लायन्स क्लब कुडाळ तर्फे लायन अध्यक्ष आनंद कर्पे, लायन सेक्रेटरी सागर तेली, लायन खजिनदार जीवन बांदेकर, लायन CA सुनील सौदागर, लायन श्रीनिवास नाईक, लायन डॉ. सुशांता कुलकर्णी, लायन मंजुनाथ फडके उपस्थित होते.यावेळी लाभार्थी रुग्णांसाठी जेवण व पाण्याची व्यवस्था लायन्स क्लब कुडाळतर्फे करण्यात आली.
