‘पुरुषोत्तम’मध्ये सिंधुदुर्गच्या कलाकारांची बाजी

जिल्ह्यातले कलाकार असलेली ‘बोबड्या’ अंतिम फेरी

रत्नागिरीच्या फिनोलेक्स इंजिनिअरिंग कॉलेजचे सादरीकरण

निलेश जोशी । कुडाळ : आंतर महाविद्यालयीन एकांकिका स्पर्धेत अत्यंत मानाची समजली जाणाऱ्या महाराष्ट्र कलोपासक, पुणे आयोजित पुरुषोत्तम करंडक एकांकिका स्पर्धेत फिनोलेक्स इंजिनिअरिंग कॉलेज रत्नागिरीची बोबड्या ही  एकांकिका दुसरी आली विशेष म्हणजे या एकांकिकातील सर्व कलाकार सिंधुदुर्गचे आहेत ही एकांकिका पुणे येथे सादर केली जाणार आहे
   आंतर महाविद्यालयीन एकांकिका स्पर्धेत अत्यंत मानाची समजली जाणारी महाराष्ट्र कलोपासक, पुणे आयोजित पुरुषोत्तम करंडक एकांकिका
स्पर्धा कोंकणात यावर्षी कुडाळ येथील  संत राऊळ महाराज महाविद्यालयाच्या एकनाथ ठाकूर सभागृहात झाली तर रत्नागिरी केंद्रावरील प्राथमिक फेरी दरवर्षी रत्नागिरी येथे होते. या केंद्रावर रायगड, रत्नागिरी आणि सिंधुदुर्ग जिल्ह्यातील महाविद्यालयांचा समावेश असतो.  या वर्षी ही फेरी दोन टप्प्यात झाली. सिंधुदुर्ग जिल्ह्यातील महाविद्यालयांसाठी कुडाळ येथे शुक्रवार  १ सप्टेंबरला  ही स्पर्धा झाली तर २ सप्टेंबरला चिपळूण येथील इंदिरा गांधी सांस्कृतिक केंद्रात ही स्पर्धा संपन्न झाली.
या ठिकाणी झालेल्या स्पर्धेत सिंधुदुर्ग जिल्ह्यातील मुले इंजिनिअरच्या अभ्यासासाठी या ठिकाणी आहेत ही सर्व मुले अभ्यास सांभाळून एकांकिकामध्ये काम करतात हे विशेष आहे. संपूर्ण कोकण विभागाची स्पर्धा चिपळूण येथे पार पडली. त्यात फिनोलेक्स इंजिनिअरिंग कॉलेज रत्नागिरीची बोबड्या ही  एकांकिका दुसरी आली. त्यात सिंधुदुर्गमधील मुलानी काम केले आहे. यामध्ये अमर्त्य देसाई, स्वानंद शेणई. प्राची पाटील, सूरज राऊळ, श्वेता येनजी, तेजस बागवे यांनी भूमिका केली आहे. या एकांकिकेसाठी लेखक आणि दिग्दर्शकचे बक्षीस प्रसाद फडके याला मिळाले. यात हुमरमळा वालावल येथील अमर्त्य देसाई याने उत्कृष्ट भूमिका केली तो नाट्य दिग्दर्शक आणि नाट्य अभिनेता अमित देसाई यांचा मुलगा आहे. सदर एकांकिका पुणे येथे अंतिम फेरीत सादर केली जाणार आहे. या सर्व कलाकारांचे हुमरमळा गावचे सरपंच अर्चना बंगे शिवसेना पदाधिकारी अतूल बंगे यांनी अभिनंदन केले आहे.

निलेश जोशी, कोकण नाऊ, कुडाळ.