घोडावत विद्यापीठातील 37 विद्यार्थ्यांची टाटा कंपनीमध्ये निवड

जयसिंगपूर: शिक्षण क्षेत्रात अल्पावधीतच आपले नाव जगाच्या कानाकोपऱ्यात पोहोचविलेल्या संजय घोडावत विद्यापीठाच्या मेकॅनिकल, कॉम्प्युटर, इलेक्ट्रॉनिक्स अँड कम्युनिकेशन, एरोनॉटिकल इंजिनिअरिंग व बी.फार्म विभागाच्या 37 विद्यार्थ्यांची टाटा कन्सल्टन्सी सर्विसेस कंपनीमध्ये निवड झाली.
आयटी क्षेत्रात नावलौकिक प्राप्त केलेल्या टाटा कन्सल्टन्सी सर्विसेस च्या कॅम्पस ड्राईव्ह मध्ये सांगली व कोल्हापूर जिल्ह्यातील इंजिनिअरिंग व फार्मसी विभागाच्या विद्यार्थ्यांनी भाग घेतला. यावेळी 37 विद्यार्थ्यांना नोकरीची संधी प्राप्त झाली. नैसर्गिक कलचाचणी, तांत्रिक फेरी, एच.आर मुलाखत या निकषाच्या आधारे विद्यार्थ्यांची निवड करण्यात आली.
दरवर्षी विद्यापीठाच्या ट्रेनिंग व प्लेसमेंट विभागामार्फत अनेक राष्ट्रीय व आंतरराष्ट्रीय स्तरावरील नामांकित कंपन्यांचे कॅम्पस ड्राईव्ह आयोजित करण्यात येतात. विद्यार्थ्यांच्या निवडीसाठी या विभागाचे प्रमुख प्रा. डॉ.स्वप्नील हिरीकुडे, फॅकल्टी कॉर्डिनेटर्स प्रा. अजित शिंदे प्रा.सुरभी गायकवाड, प्रा. पंकज गवळी, प्रा. व्ही. बाबू, प्रा. हर्षवर्धन पाटील, प्रा. सुरज पाटील यांचे सहकार्य लाभले.
या यशाबद्दल अध्यक्ष संजय घोडावत, विश्वस्त विनायक भोसले, कुलगुरू डॉ.अरुण पाटील, कुलसचिव डॉ. विवेक कायंदे, संचालक IUR डॉ. एन.व्ही.पुजारी, अकॅडमीक डीन डॉ. उत्तम जाधव, फार्मसी डीन डॉ. सुभाष कुंभार यांनी सर्व विद्यार्थी व शिक्षकांचे अभिनंदन केले आहे.