पावशीत कार चढली डिव्हायडरवर

मुंबई गोवा महामार्गावर पावशी घावनळे फाटा येथील सावंतवाडीहून कणकवलीच्या दिशेने जाणा-या भरधाव कारला अपघात झाला. पावसाच्या पाण्यामुळे रस्त्याची लेन निसरडी बनल्याने चालकाचे कारवरील नियंत्रण सुटले आणि कार दुभाजकावर चढली. त्यानंतर विरूद्ध बाजूने दुस-या बाजूच्या लेनवर उतरली. हा अपघात आज दुपारी पावणे तीन वाजताच्या सुमारास झाला. यात सुदैवाने कोणालाही दुखापत झालेली नाही. कारचे किरकोळ नुकसान झाले.