चेंबर ऑफ कॉमर्सच्या निवडणूकीत एकता पॅनेलचा विजय
सिंधुदुर्गातील निवडणुकीत ‘एकता’ चे सर्व उमेदवार विजयी
महाराष्ट्र चेंबर ऑफ कॉमर्स अॅण्ड इंडस्ट्रीज अँन्ड अँग्रीकल्चरची द्विवार्षिक निवडणुकीत एकता पॅनेलने दणदणीत विजय मिळविला आहे. निवडणूक प्रक्रियेत राज्यभरातून 168 उमेदवार रिंगणात होते, त्यापैकी तब्बल 148 उमेदवार बिनविरोध निवडून येण्याचा विक्रम यंदाच्या निवडणुकीत नोंदवला गेला. चेंबरच्या अध्यक्षपदी रवींद्र माणगावे यांची बिनविरोध निवड झाली. तसेच सहा उपाध्यक्ष पदांवरही एकता पॅनलचे उमेदवार बिनविरोध निवडून आले. सिंधुदुर्ग जिल्ह्यातील निवडणुकीत एकता पॅनलचे सर्व उमेदवार विजयी झाले आहेत.
महाराष्ट्र चेंबर ऑफ कॉमर्स अॅण्ड इंडस्ट्रीज अँन्ड अँग्रीकल्चरची द्विवार्षिक निवडणुकीची मतमोजणी दिनांक १५ जून रोजी चेंबरच्या फोर्ट मुंबई येथील कार्यालयात संपन्न झाली. संपूर्ण महाराष्ट्रात ही निवडणूक प्रक्रिया पार पडली. यामधे नाशिक व सिंधुदुर्ग या दोनच जिल्ह्यात ही निवडणूक झाली.
सिंधुदुर्गातील संपूर्ण उद्योग जगताचे या निवडणुकीच्या निकालाकडे लक्ष होते. बिनविरोध निवडणून आलेले चेंबरचे अध्यक्ष रविंद्र माणगावे तसेच चेंबरचे माजी अध्यक्ष व कोकणचे सुपूञ डाॅ. श्रीकृष्ण परब यांच्या मार्गदर्शनाखाली एकता पॅनेलच्या माध्यमातून एकुण नऊ जागांसाठी ही निवडणूक लढवली गेली होती. एकता पॅनेलने प्रचारात सुरुवातीपासूनच आघाडी घेतली होती. त्याचे प्रतिबिंब आज निकालात दिसून आले.
एकता पॅनेलला सिंधुदुर्ग व्यापारी महासंघाने व कुडाळ एम. आय. डि. सी. इंडस्ट्रीज असोसिएशनने जाहीर पाठिंबा दिलेला होता.
एकता पॅनेलचे सर्वच्या सर्व नऊ उमेदवाराने विजय मिळवलेला असून एकता पॅनेलच्या उमेदवारांना मिळालेली मते पुढील प्रमाणे,
कोकण विभागीय अध्यक्ष पदासाठी उभे राहिलेले संतोष राणे यानां १८६ मते मिळाली. तर मुंबई व कोकण विभागातून वरिष्ठ उपाध्यक्ष पदासाठी उभे असलेले सुधाकर शेट्टी यानी ८५४ मते घेऊन आपला विजय अधोरेखित केला.
सिंधुदुर्ग जिल्ह्यातील गव्हर्निंग कौन्सिल साठी जे सात उमेदवार होते त्यात श्री. राजन नाईक १७३, अँड. नकुल पार्सॅकर १६४, मनोज वालावलकर १५८, विजय केनवडेकर १४६, मिलींद प्रभू १४२, विशाल कामत १४१, कुणाल वरसकर १३९ मते मिळाली.
तर विरोधी प्रगती पॅनेलमधून उभे राहिलेले उपाध्यक्ष पदाचे उमेदवार भालचंद्र राऊत यानां फक्त ६६ मते मिळाली. सौ. अन्वेषा आचरेकर ७७, गंगाराम पै ८४, अशोक सारंग ८४, भालचंद्र सामंत ८१, राजेंद्र गावकर ६०, रामचंद्र घोगळे ५०, उत्तम सराफदार ३७ अशी मते मिळाली.
सर्व विजयी उमेदवारांचे चेंबरचे अध्यक्ष रविंद्र माणगावे, चेंबरच्या ट्रस्ट बोर्डचे अध्यक्ष आशिश पेडणेकर, माजी उपाध्यक्ष श्रीकृष्ण परब, कुडाळ एम.आय. डि. सी. इंडस्ट्रीज असोसिएशनचे अध्यक्ष मोहन होडावडेकर, सिंधुदुर्ग जिल्हा व्यापारी महासंघाचे अध्यक्ष संजय सावंत, सचिव राजू जठार, सामाजिक कार्यकर्ते रणजित देसाई तसेच जिल्ह्यातील विविध क्षेञातील मान्यवरांनी अभिनंदन करून पुढील वाटचालीस शुभेच्छां दिल्या.
एकता पॅनेलच्या सर्व विजयी उमेदवारांना सर्व सुज्ञ मतदारानीं मताधिक्याने विजयी केले याबद्दल एकता पॅनलच्या वतीने आभार मानण्यात आले.
