कणकवली शहर विकास आघाडी कडून स्वीकृत नगरसेवक पदाकरिता बाळू पारकर यांचे नाव निश्चित

कणकवली शहर विकास आघाडीच्या विजयात श्री. पारकर यांचा मोठा वाटा

कणकवली नगरपंचायत च्या स्वीकृत नगरसेवक पदासाठी शहर विकास आघाडी कडून सत्यजित उर्फ बाळू पारकर यांचे नाव निश्चित झाले असून, शहर विकास आघाडीकडे या पदाकरिता अनेक जण इच्छुक होते. मात्र श्री. पारकर यांच्या नावावर अखेर शिक्कामोर्तब करण्यात आले आहे. बाळू पारकर हे कणकवली शिवसेना शहराध्यक्ष म्हणून कार्यरत असून, नुकत्याच झालेल्या नगरपंचायत निवडणुकीमध्ये शहर विकास आघाडीच्या विजयात त्यांचा मोठा वाटा होता. त्यांच्या या निवडीमुळे शिवसेनेला कणकवली नगरपंचायत च्या सभागृहात थेट स्थान मिळणार आहे.