समीर नलावडे–अबिद नाईक यांना विजयी करा;विकासाला मत द्या –प्रसिद्ध सिनेअभिनेते गणेश रेवडेकर यांचे आवाहन.

कणकवली/मयूर ठाकूर कणकवली नगरपंचायत निवडणूक 2025 चा माहोल दिवसेंदिवस रंगतदार होत चालला आहे.मतदानाला अवघे दोन दिवस शिल्लक असताना शहरातील प्रचार प्रक्रियेला अभूतपूर्व वेग आला आहे.या पार्श्वभूमीवर राज्यातील लोकप्रिय सिने–नाट्य अभिनेते गणेश रेवडेकर यांनी कणकवलीत विजयासाठी आवाहन केले आहे.यामुळे प्रचाराला नवीन उर्जा मिळाल्याचे पाहायला मिळते.
गेल्या काही वर्षांत पालकमंत्री नितेश राणे यांच्या प्रयत्नांमुळे कणकवलीचा झालेला सर्वांगिण विकास,शहराचा झालेला कायापालट आणि उभारलेली भक्कम पायाभूत सुविधांची मजबूत मालिका याचा उल्लेख करत रेवडेकर म्हणाले,
“कणकवलीचा विकास हा डोळ्यांसमोर उभा राहिलेला बदल आहे.हा विकास कायम टिकवायचा असेल,पुढची पायरी गाठायची असेल तर पालकमंत्री नितेश राणे यांच्यासोबतच त्यांच्या टीमला मत देणे गरजेचे आहे.”
नगराध्यक्ष पदाचे उमेदवार समीर नलावडे तर प्रभाग क्रमांक 17 मधून नगरसेवक पदाचे उमेदवार अबिद नाईक यांची रेवडेकर यांनी जाहीर पाठराखण केली.
ते पुढे म्हणाले,
“समीर नलावडे व अबिद नाईक हे फक्त कार्यकर्ते नव्हेत तर कणकवलीच्या नव्या पिढीचे नेतृत्व आहे.या दोन्ही उमेदवारांना मत म्हणजे नितेश राणे यांना मत आणि नितेश राणे यांना मत म्हणजे विकासाची हमी!”
सुख म्हणजे नक्की काय असतं? या गाजलेल्या मालिकेपासून ते स्टार प्रवाहवर सुरु असलेली ‘नशीबवान’,तसेच नुकताच रिलीज झालेला चित्रपट ‘मी शिवाजी राजे भोसले बोलतोय’ यांसह श्रीमंत दामोदर पंत तसेच गाजलेले नाटक “सही रे सई ” अश्या असंख्य चित्रपट–मालिकांमधील प्रभावी भूमिका करून घराघरात पोहोचलेले अभिनेते गणेश रेवडेकर कणकवलीकरांना परिचित चेहरा आहेत.
“कणकवलीच्या उज्ज्वल भविष्यासाठी समीर नलावडे व अबिद नाईक यांना प्रचंड बहुमताने निवडून द्या.तुमचे एकेक मत म्हणजे शहराच्या विकासाला नवी दिशा देणारा निर्णय ठरेल.”
समीर नलावडे,अबिद नाईक यांच्या प्रचारात प्रसिद्ध कलावंताच्या सहभागामुळे कणकवलीतील राजकीय समीकरणांना रंग चढला असून भाजप-राष्ट्रवादी युतीच्या पॅनेलला मजबूत गती लाभल्याचे वातावरण दिसून येत आहे.