पाटकर वर्दे कॉलेजमध्ये ‘पूर्णब्रह्म’ अंतर्गत विविध स्पर्धांचे आयोजन
आंतरराज्य स्पर्धात १७ महाविद्यालयांचा सहभाग
चिकित्सक समूहाच्या पाटकर वर्दे कॉलेज, सॅटेलाइट सेंटर पिंगुळी कुडाळच्या वतीने दरवर्षी प्रमाणे यंदा ही पूर्णब्रह्म पर्व पाचवेचे आयोजन २ ते ५ डिसेंबर या कालावधीत केले असुन यावेळी घेण्यात येणाऱ्या आंतरराज्य विविध स्पर्धांमध्ये महाराष्ट्र आणि गोवा येथील १७ महाविद्यालयांचा समावेश असल्याची माहिती महाविद्यालयाचे समन्वयक अमित गावडे यांनी पत्रकार परिषदेत दिली.
पाटकर वर्दे कॉलेज पिंगुळी येथे ही पत्रकार परिषद घेण्यात आली. यावेळी या कॉलेजचे शेफ भावेश म्हापणकर,शेफ कौस्तुभ नाईक, प्रस्सन लाड आणि विद्यार्थी प्रतिनिधी संदेश साबळे उपस्थित होते.
यावेळी बोलताना श्री गावडे म्हणाले दरवर्षी प्रमाणे पिंगुळी येथे पूर्णब्रह्म पर्व पाचवे हे २ ते ५ डिसेंबर या कालावधीत घेतले जात आहे या निमित्त २ डिसेंबर रोजी सकाळी ९:०० वाजता या कार्यक्रमाचे उद्घाटन होईल. यावेळी संस्थेचे सचिव डॉ.गुरुनाथ पंडित, मुख्य शिक्षण अधिकारी डॉ. माला खारकर ,हेड शेफ डॉ.अमोल राऊळ आणि कोर्डिनेटर नोएल फर्नाडीस तसेच इतर मान्यवर उपस्थित असणार आहेत. या मध्ये विविध स्पर्धा आयोजित करण्यात आल्या असून दि. २ डिसेंबर रोजी केक डेकोरेशन , मॉकटेल मेकिंग, नॅपकिन फोल्ड , मास्टर शेफ , टॉवेल आर्ट , गेस द इंग्रीडिएंट, फूड फोटोग्राफी, तर दि. ३ डिसेंबर रोजी डेसर्ट मेकिंग, वाइन बॉटल सजावट, इंटरनॅशनल स्ट्रीट फूड मेकिंग, क्विझ , टेस्टी ट्रेक , फ्लेमलेस कुकिंग ,रील मेकिंग या स्पर्धा घेण्यात येणार आहेत.तसेच ११/१२वी च्या विद्यार्थ्यांसाठी दि .४ डिसेंबर रोजी रांगोळी स्पर्धा,निबंध स्पर्धा, फ्लेमलेस कुकिंग , स्पोर्ट रिले,रील मेकिंग , एकपात्री अभिनय, प्लेट पेंटिंग स्पर्धा घेण्यात येणार आहे .
महाराष्ट्र आणि गोवा येथील १७ महाविद्यालयांचा समावेश
यामध्ये गेस्त्तो कॉलेज, एन्वीरोस्कील कॉलेज, शेफ किचन कोल्हापूर, सी आय इज एम सी टी कोल्हापूर, कोहिनूर कॉलेज रत्नागिरी, सह्याद्री कॉलेज चिपळूण, अलिबाग कॉलेज ऑफ हॉटेल मॅनेजमेंट,सातारा कॉलेज ऑफ हॉटेल मॅनेजमेंट,रिगल कॉलेज कणकवली,नवनिर्माण कॉलेज दोडामार्ग, आय टी आय कॉलेज ओरोस, स्नेह इन्स्टिट्यूट कणकवली , ही महाविद्यालये सहभागी होणार आहेत.
