मुख्यमंत्री देवेंद्र फडणवीस यांचा वाढदिवसानिमित्त मनोज रावराणे यांच्या वतीने कोळोशी -हडपिड येथे विद्यार्थ्यांना वह्या वाटप

पालक व विद्यार्थ्यांनी व्यक्त केले समाधान

   महाराष्टाचे लाडके मुख्यमंत्री देंवेंद्रजी फडणवीस यांच्या वाढदिवसानिमित्त कणकवली माजी सभापती मनोजजी रावराणे यांच्यावतीने कोळोशी -हडपीड येथील विद्यार्थ्यांना कणकवली तालुका भाजप सरचिटणीस पंढरी वायंगणकर यांच्या प्रमुख उपस्थितीत वह्या वाटप करण्यात आले.
    मुख्यमंत्री देवेंद्रजी फडणवीस यांच्या वाढदिवसानिमित्त जि.प.शाळा कोळोशी वरची वाडी,जि.प.शाळा कोळोशी हडपिड व माध्यमिक शिक्षण शाळा कोळोशी -हडपिडच्या विद्याथ्यांना कणकवली माजी सभापती मनोज रावराणे यांच्यावतीने वह्या वाटप करण्यात आले.यावेळी कणकवली तालुका भाजप सरचिटणीस पंढरी वायंगणकर,कोळोशी सरपंच गुरुनाथ आचरेकर,शाळा समिती अध्यक्ष कीशोर राणे, मुख्याध्यापिका सौ.अश्विनी गर्जे, मुख्याध्यापिका सौ.तेली, मुख्याध्यापिका सौ.तांबे,माजी सरपंच सुशील इंदप, श्रीमती सुचिता पोकळे, पत्रकार उत्तम सावंत,मंगेश इंदप, सदानंद पावसकर, शामराव परब,सौ.मुंडे आदी मान्यवर सर्व शिक्षक शिक्षकेतर कर्मचारी व विद्यार्थी मोठ्या संख्येने उपस्थित होते.
 यावेळी बोलताना पंढरी वायंगणकर म्हणाले की, आपल्या शाळेत विद्यार्थ्यांना ज्या काही समस्या असतील त्या पालकमंत्री नितेशजी राणे यांच्या माध्यमातून नक्की सोडविण्याचा प्रयत्न राहील.

  यावेळी कोळोशी -हडपिड हायस्कूल मध्ये सध्या ५३ विद्यार्थी असून संध्याकाळी आयनलला जाणारी एस टी अनेक वेळा संध्याकाळी ७:०० वाजले तरी येत नाही.यामुळे विद्यार्थ्यांचे हाल होतात.शिवाय ही गोष्ट मुलींसाठी धोकादायकही ठरु शकते.असे चेअरमन कीशोर राणे व मुख्याध्यापिका गर्जे यांनी निदर्शनास आणून दिल्यानंतर भाजप सरचिटणीस पंढरी वायंगणकर यांनी याबाबत पालकमंत्री यांच्याशी बोलून ही गैरसोय नक्की दूर करण्याचे आश्वासन दिले.
 यावेळी सरपंच गुरुनाथ आचरेकर, चेअरमन कीशोर राणे यांनी मनोगत व्यक्त केले.कार्यक्रमाचे सुत्रसंचलन व आभार सौ.अश्विनी गर्जे यांनी केले.