कुडाळ येथे चित्रकार किरण हणमशेठ यांची दि. 12 मार्च रोजी व्यक्तिचित्र प्रात्यक्षिक कार्यशाळा

किरण हणमशेठ कलामहर्षि के. बी. कुलकर्णी यांचे शिष्य

विद्यार्थी, कलारसिकांनी लाभ घ्यावा – रजनीकांत कदम

प्रतिनिधी । कुडाळ : श्री गणेश स्वामी कलादालन कुडाळ एमआयडीसी येथे रविवार दि. 12 मार्च रोजी सकाळी 9 ते दुपारी 1 वाजता या कालावधीत बेळगाव येथील प्रसिद्ध चित्रकार श्री किरण हणमशेठ यांच्या प्रत्यक्ष व्यक्तीचित्र (पोट्रेट) प्रात्यक्षिक कार्यशाळेचे आयोजन करण्यात आले असून यावेळी कला तसेच विविध क्षेत्रातील मान्यवर व्यक्ती उपस्थित राहणार आहेत. तरी या कार्यशाळेचा लाभ विद्यार्थी, पालक व कला रसिकांनी घ्यावा असे आवाहन चित्रकार रजनीकांत कदम यांनी प्रसिद्धी पत्रकातून केले आहे.
चित्रकला क्षेत्रात करियर करू पाहणाऱ्या सिंधुदुर्ग जिल्ह्यातील मुलांना चित्रकला क्षेत्रातील व्यक्ती चित्र निसर्ग चित्र, वस्तू चित्र, कंपोजीशन तसेच कला क्षेत्रातील विविध विषयांची माहिती प्रात्यक्षिक व मार्गदर्शना द्वारे व्हावी याकरिता श्री गणेश स्वामी कलादालन कुडाळच्या वतीने यापुढे कार्यशाळा आयोजित करण्यात येणार आहेत. या पार्श्वभूमीवर पहिलीच व्यक्तिचित्र प्रात्यक्षिक कार्यशाळा कुडाळ नवीन एमआयडीसी येथील श्री गणेश स्वामी कलादालन कुडाळ एमआयडीसी बजाज राईस मिल नजीक दि. 12 मार्च रोजी सकाळी 9 ते दुपारी 1 वा. या कालावधीत आयोजित करण्यात आली आहे.
यावेळी केबीके चित्रमंदीर ट्रस्टचे संचालक जयवंत नाईक उर्फ चौ, सिंधुदुर्ग जिल्हा परिषदेचे माजी उपाध्यक्ष रणजीत देसाई, कलामहर्षि कै. के. बी. कुलकर्णी यांचे नातू शिरीष कुलकर्णी, चित्रकार अनिल कुबल (मुंबई), सिंधुदुर्ग जिल्हा पत्रकार संघाचे अध्यक्ष उमेश तोरस्कर, पी. के. सावंत पत संस्थेचे अध्यक्ष प्रसाद रेगे, कुडाळ एमआयडीसी इंडस्ट्रीज असोशिएनचे अध्यक्ष मोहन होडावडेकर, कुडाळ पत्रकार समितीचे अध्यक्ष विजय पालकर, बॅ नाथ पै शिक्षण संस्था चेअरमन उमेश गाळवणकर, कुडाळ तालुका पत्रकार समितीचे सचिव व नगरपंचायत गटनेते श्री विलास कुडाळकर, चित्रकार अनिल आचरेकर (मुंबई), तसेच इतर मान्यवर व्यक्ती उपस्थित राहणार आहेत.
यावेळी व्यक्तिचित्र प्रात्यक्षिक दाखवणारे किरण हणमशेठ हे चित्रकार कै. के. बी. कुलकर्णी यांचे शिष्य असुन ते कोल्हापूर शिणोली येथील जे. एन. भंडारी स्कुल ऑफ आर्ट येथे प्राध्यापक आहेत. त्यांच्या चित्रांची मुंबई येथील प्रसिध्द जहांगीर आर्ट मुंबई येथे तीन तर नेहरू आर्ट सेंटर मुंबई व पुणे येथे प्रदर्शने झाली आहेत. त्यांना आर्ट सोसायटी ऑफ इंडिया अॅवार्ड 2001 चा तसेच रवि परांजपे युवा कलाकार पुरस्कार 2010 व कलामहर्षि के. बी. कुलकर्णी कलागौरव पुरस्कार 2022 या पुरस्कारांनी सन्मानित करण्यात आले आहे. तरी ही कार्यशाळेत सहभागी होण्यासाठी 8600155823 संपर्क साधावा असे आवाहन चित्रकार रजनीकांत कदम यांनी केले आहे.

प्रतिनिधी, कोकण नाऊ, कुडाळ.