आरोस पंचक्रोशी विद्या विकास हायस्कूलमध्ये महिला दिन साजरा

सावंतवाडी : कोंडुरा गावचे सुपुत्र आणि आपत्ती व्यवस्थापनामध्ये काम करत असलेले श्री बापू मुळीक यांच्याकडून महिला दिनाचे औचित्य साधून आरोस पंचक्रोशी विद्या विकास हायस्कूलच्या विद्यार्थिनींना आपत्ती व्यवस्थापना अंतर्गत साहसी प्रकाराचे प्रात्यक्षिक दाखवण्यात आले. आपत्तीच्या वेळी आपला बचाव कसा करावा याबाबत श्री बापू मुळीक यांनी मोलाचे मार्गदर्शन केले. शाळेतील विद्यार्थी विद्यार्थिनी बरोबर शिक्षकांनी सुद्धा या साहसी प्रकारच्या प्रात्यक्षिकाचा अनुभव घेतला. शाळेतील मुलींनी झुलत्या पुलावरून,.दोरीवरून चालण्याचा प्रत्यक्ष अनुभव घेतला. यावेळी शिक्षक अनिल नाईक, एल. के. सावंत, तानाजी वरक, देवयानी चव्हाण, श्रद्धा परब, प्राची परब, शिक्षकेतर कर्मचारी तानाजी खोत, लक्ष्मण शेळके, पालक मदन मुरकर उपस्थित होते.

सावंतवाडी / प्रतिनिधि