कुडाळ शहरातील अनधिकृत बॅनर हटवले

कुडाळ गणेशोत्सवाच्या पार्श्वभूमीवर कुडाळ शहरात असलेले रस्त्यावरील जाहिरात फलक आणि बॅनर आज हटविण्यात आले. याबाबतची मागणी नुकत्याच झालेल्या प्रशासनाच्या बैठकीत घेण्यात आली होती. त्यानुसार ही कारवाई करण्यात आली. यावेळी प्रांताधिकारी ऐश्वर्या काळूशे, कुडाळ तहसिलदार विरसींग वसावे, कुडाळ पोलिस निरीक्षक राजेंद्र मगदूम, कुडाळ नायब तहसिलदार संयज गवस, कुडाळ सार्वजनिक बांधकाम उपविभागचे उपअभियंता धीरज पिसाळ, स्थापत्य सहाय्यक विजय गोरे, कुडाळ नगरपंचायतचे स्वच्छता निरीक्षक संदिप कोरगावकर, नगरपंचायत बांधकाम विभागाचे संकेत गावडे, मंडळ अधिकारी एस. एस. पास्ते, पोलिस हवालदार मंगेश शिंगाडे, संजय कदम, कोतवाल बाबु चव्हाण आदि अधिकारी, कर्मचारी उपस्थित होते.