कणकवलीत मोफत तबला वादन प्रशिक्षण

वसंतराव आचरेकर सांस्कृतिक प्रतिष्ठानचे आयोजन

कणकवली : वसंतराव आचरेकर सांस्कृतिक प्रतिष्ठान कणकवली च्या वतीने पंडित जितेंद्र अभिषेकी सघन गान शिक्षण केंद्र अंतर्गत तबला वादन प्रशिक्षणाचे आयोजन करण्यात आले आहे. 11 मार्च रोजी सकाळी 10 वाजता या प्रशिक्षणाचे उद्घाटन होणार असून, यावेळी पंडित डॉ. समीर दुबळे उपस्थित राहणार आहेत. तालयोगी पंडित सुरेश तळवलकर यांची शिष्य चारुदत्त फडके हे तबला वादनाचे प्रशिक्षण देणार आहेत. सकाळी 10 ते दुपारी 1 व दुपारी 3 ते सायंकाळी 5 वाजेपर्यंत हे तबला वादन प्रशिक्षण मोफत असणार आहे. याकरिता सोबत तबला जोड असण्याची गरज आहे. तर सायंकाळी चारुदत्त फडके यांचे तबला एकल वादन असणार आहे. या प्रशिक्षणात सहभागी व्हावे असे आचरेकर प्रतिष्ठानच्या वतीने करण्यात आले आहे. अधिक माहितीसाठी सीमा कोरगावकर 94 22 38 19 75 या क्रमांकावर संपर्क साधावा असे आवाहन केले आहे.

दिगंबर वालावलकर / कणकवली