शिवभक्त शिवडाव, ग्रामस्थ आयोजित शिवजन्मोत्सव सोहळा उत्साहात

कणकवली : शिवभक्त शिवडाव, ग्रामस्थ आयोजित शिवजन्मोत्सव सोहळा शिवडाव येथे पार पडला. यावेळी सकाळी ८.३० वाजता रॅली, सकाळी ९ वाजता शिव प्रतिमा पूजन, सकाळी ९.३० शिवचशक क्रिकेट स्पर्धा, सकाळी १०.३० शालेय मुलांचे कार्यक्रम, दुपारी १ वाजता शिवडाव गावातील चिमुकल्या बालगोपाळांचा मेळावा आणि प्रीतिभोजन पार पडले. तर सायंकाळी ४ वाजता मान्यवरांचे स्वागत आणि बक्षीस वितरण करण्यात आले.
यावेळी मुलांनी छत्रपती शिवाजी महाराजांच्या लढाईतील कथा सांगितल्या. यावेळी विद्यार्थ्यांनींनी महाराष्ट्र गीत सादर करून शिवरायांना अनोखी मानवंदना दिली. मुख्य म्हणजे या शिवजयंती कार्यक्रमास प्रमुख पाहुणे म्हणून शालेय विद्यार्थिनींना मान देऊन एक वेगळी परंपरा सुरु केली. यावेळी युवा उद्योजक किरण गावकर यांनी उपस्थित मान्यवरांचे स्वागत केले.

प्रतिनिधी, कोकण नाऊ, कणकवली