श्री देव कुडाळेश्वरचा जत्रोत्सव २ डिसेम्बरला

प्रतिनिधी । कुडाळ : कुडाळ गावचे दैवत व श्रध्दास्थान श्री देव कुडाळेश्वर देवतेचा वार्षिक जत्रोत्सव शनिवार दिनांक 2 डिसेंबर, 2023 रोजी साजरा होणार आहे. त्यानिमित्त शनिवार दिनांक 2 डिसेंबर, 2023 रोजी संपूर्ण दिवस देवाला नारळ केळी ठेवणे, नवस करणे, नवस फेडणे या विधी चालू राहतील. रात्री 11 वा. श्रीं ची पालखी प्रदक्षिणा ढोल वादनाच्या साथीने होईल. त्यानंतर रात्री 12 वाजता वालावलकर दशावतारी नाट्य मंडळीचे पौराणिक नाटक होईल. आणि पहाटे दहीकाला होऊन वार्षिक जत्रेची सांगता होईल. तरी सर्वानी या जत्रेत उपस्थित रहावे असे सर्व राऊळ पुजारी व श्री देव कुडाळेश्वर उत्सव मंडळ कुडाळ ने विनम्रपणे आमंत्रित केले आहे.

प्रतिनिधी, कोकण नाऊ, कुडाळ.