अवैध दारूवर पोलिसांनी कारवाई केली तर ठीक, अन्यथा शिवसेना स्टाईल दाखवणार!

नांदगाव परिसरात अवैध दारू विक्री संदर्भात ठाकरे गट आक्रमक

पोलीस स्टेशन समोर नांदगाव परिसरातील ग्रामस्थांचे ठिय्या आंदोलन

कणकवली मध्ये नांदगाव परिसरात होणाऱ्या अवैध दारू विक्री संदर्भात आज कणकवली पोलीस स्टेशन समोर शिवसेनेच्या वतीने ठिय्या आंदोलन करण्यात आले. या आंदोलनादरम्यान पोलीस निरीक्षक अमित यादव यांच्याशी चर्चा करताना पोलिसांवर शिवसेनेच्या शिष्टमंडळाने प्रश्नांची सरबत्ती केली. तर आतापर्यंत आलेल्या तक्रारीनुसार तसेच अवैध दारू बाबत व मिळालेल्या गुप्त माहितीनुसार केलेल्या कारवाई ची लिस्ट पोलीस निरीक्षक अमित यादव यांनी शिष्टमंडळासमोर ठेवली. आम्हाला तुमच्या विरोधात आंदोलन करण्याची पुन्हा वेळ येऊ नये. याकरिता संबंधितांवर कारवाई करा. तसेच कुणालाही पाठीशी घातले जाता नये. संबंधित कुणी असेल तरी त्याच्यावर कारवाई झाली पाहिजे. व आंदोलन झाल्यानंतर पुन्हा दारू विक्री करण्याची कुणाची हिम्मत होता नये अशी मागणी जिल्हाप्रमुख संदेश पारकर व कणकवली विधानसभा प्रमुख सतीश सावंत यांनी केली. दरम्यान अनेक लोकांचे जीव गेले आता दारू बंद होणार काय? असा सवाल नांदगाव दशक्रोशीतील ग्रामस्थांनी उपस्थित केला. तर ज्या ठिकाणी दारू विक्री चालू असेल तेथील लोकेशन मला शेअर करा व थेट माझ्याशी संपर्क साधा कारवाई नाही झाली तर मला विचारा असे पोलीस निरीक्षक अमित यादव यांनी सांगितले. त्यावर माजी नगरसेवक कन्हया पारकर यांनी पोलीस कारवाई करत नसतील तर शिवसेना स्टाईल दाखवा मग पोलीस आल्यावर पाहू काय करायचं ते असा इशारा दिला. कणकवली पोलीस निरीक्षकांसोबत करण्यात आलेल्या चर्चे प्रसंगी जिल्हाप्रमुख संदेश पारकर, विधानसभा मतदारसंघ प्रमुख सतीश सावंत, युवा सेना जिल्हाप्रमुख सुशांत नाईक, महिला जिल्हाप्रमुख नीलम सावंत, दिव्या साळगावकर, वैदेही गुडेकर, माधवी दळवी, राजू राठोड, तालुकाप्रमुख उत्तम लोके, उपतालुकाप्रमुख सचिन आचरेकर, भाई साटम, निसार शेख, राजा म्हसकर, माजी नगरसेवक कन्हैया पारकर, तात्या निकम, संजय पारकर, सचिन सावंत आदी उपस्थित होते.

दिगंबर वालावलकर/ कणकवली