समाजसेवक अतुल दळवी यांना विद्यार्थी मित्र पुरस्कार.

कणकवली/मयुर ठाकूर.

समाजसेवक अतुल दळवी यांना नुकताच विद्यार्थी मित्र पुरस्कार प्रदान करण्यात आला आहे हा पुरस्कार नैसर्गिक पर्यावरण संवर्धन आणि मानवता विकास संस्था सिंधुदुर्ग यांच्यावतीने कुडाळ येथील नियोजित कार्यक्रमात देण्यात आला.अतुल दळवी विविध क्षेत्रांमध्ये कार्यरत असतात.त्यामध्ये सामाजिक, सांस्कृतिक,राजकीय,शैक्षणिक क्षेत्रात दळवी यांच योगदान असत. शैक्षणिक क्षेत्रात त्यांचे योगदान मोलाच असतं आणि याच त्यांच्या योगदानाचं महत्त्व लक्षात घेत नैसर्गिक पर्यावरण संवर्धन आणि मानवता विकास सिंधुदुर्ग यांच्यावतीने “विद्यार्थी मित्र पुरस्कार” प्रदान करून त्यांचा सन्मान करण्यात आला.यावेळी नैसर्गिक पर्यावरण संवर्धन आणि मानवता विकास संस्थेचे राज्य सचिव बापू परब तसेच जिल्हा अध्यक्ष प्रदीप सावंत,जिल्हा संघटक पंढरी यादव तसेच संस्थेचे पदाधिकारी आणि विविध क्षेत्रातील मान्यवर उपस्थित होते.