कणकवली शहर विकास आघाडीच्या प्रचारासाठी वैभव नाईक “ऑन फिल्ड”

कणकवली शहरातील प्रभाग क्रमांक 17 मध्ये प्रचारात घेतला सहभाग

कणकवली नगरपंचायतीमधील भ्रष्टाचार संपवण्यासाठी मतदारांनी शहर विकास आघाडीला मतदान करण्याचे केले आवाहन

ठाकरे शिवसेनेचे माजी आमदार वैभव नाईक यांनी आज कणकवली शहरात प्रभाग क्रमांक 17 मध्ये शहर विकास आघाडीचे नगराध्यक्षपदाचे उमेदवार संदेश पारकर व प्रभाग क्रमांक 17 मधील नगरसेवक पदाचे उमेदवार सुशांत नाईक यांच्या प्रचारार्थ प्रचार फेरीत सहभाग घेतला. यावेळी त्यांच्यासोबत जिल्हा बँकेचे माजी अध्यक्ष सतीश सावंत यांच्या सहित पदाधिकारी व कार्यकर्ते मोठ्या संख्येने उपस्थित होते. माजी आमदार वैभव नाईक यांनी डोर टू डोअर प्रचार करत मतदारांना शहरविकास आघाडीला मतदान करण्याचे आवाहन केले. तसेच कणकवली नगरपंचायतीमधील भ्रष्टाचार संपवण्यासाठी शहर विकास आघाडीला मतदान करा असे आवाहन देखील श्री नाईक यांनी केले. यावेळी त्यांच्यासोबत प्रभाग क्र. 17 चे उमेदवार सुशांत नाईक, राजू शेट्ये, संतोष परब, विलास जाधव, रणजित धुमाळे, किरण वर्दम, समीर सावंत, सुधाकर काजरेकर, संदेश जाधव, साई मोर्ये, संतोष सावंत, निलेश जाधव, प्रतीक रासम, कमलेश नारकर, संकेत कुडतरकर, दया परब, प्रतीक्षा साटम, मीनल म्हसकर, नंदिनी धुमाळे, शैलजा धुमाळे, वनीता सामंत, आदी उपस्थित होते.

कणकवली प्रतिनिधी