माजी आमदार वैभव नाईक यांच्यावर ॲट्रॉसिटीचा खोटा गुन्हा दाखल झाल्याने मराठा समाज एकवटला
सिंधुदुर्ग जिल्हा पोलीस अधीक्षक मोहन दहिकर यांची भेट घेत दिले निवेदन
अटके संदर्भात सर्वोच्च न्यायालयाच्या निकालाचा अवमान झाल्यास पोलिसांविरोधात कोल्हापूर खंडपीठाकडे याचिका दाखल करणार
मराठा महासंघाचे सिंधुदुर्ग जिल्हाध्यक्ष ॲड. सुहास सावंत यांचा इशारा
माजी आमदार वैभव नाईक यांच्या विरोधात कुडाळ पोलीस ठाण्यामध्ये हायवेचे अधिकारी श्री. साळुंखे यांनी दिलेल्या तक्रारीनुसार ॲट्रॉसिटी गुन्हा दाखल झाला आहे.मात्र कोणत्याही कार्यालयात गेल्यावर संबंधीत अधिकाऱ्याच्या चेहऱयावर त्याची जात लिहिलेली नसते.अधिकाऱ्यांच्या चुकीच्या मुद्द्यावर बोट ठेवण्यासाठी मराठा, ओबीसी समाजाचे लोक शासकीय कार्यालयात जात असतात त्यावेळी संबंधित अधिकाऱ्याने आपला खोटेपणा लपविण्यासाठी अशाप्रकारे खोटा ॲट्रॉसिटीचा आधार घेतला तर भविष्यात सिंधुदुर्ग मधील लोकशाही यंत्रणा कोलमडून पडेल.त्यामुळे वैभव नाईक यांच्यावर कारवाई करण्याअगोदर अर्नेश कुमार विरुद्ध बिहार राज्य या खटल्यात सर्वोच्च न्यायालयाने सात वर्षापेक्षा कमी शिक्षा असलेल्या गुन्ह्यात आरोपीला अटक करता येणार नाही असा निर्णय दिला असून या नियमाचे पालन कुडाळ पोलीसांनी केले पाहिजे. या नियमाचे पालन झाले नाही आणि चुकीच्या पद्धतीने वैभव नाईक यांना अटक होत असेल तर कुडाळ पोलीस अधिकारी आणि सिंधुदुर्ग जिल्हा पोलीस अधीक्षक यांच्यावरच गुन्हे दाखल करण्याची याचिका कोल्हापूर खंडपीठाकडे दाखल करण्यात येईल.चुकीच्या ॲट्रॉसिटी गुन्ह्याविरुद्ध मराठा महासंघ कायम उभा राहिला आहे.जर पोलिसांकडून कायद्याच्या तरतुदीचे योग्य पालन न झाल्यास भविष्यात याबाबत उग्र आंदोलन करण्यात येईल असा इशारा अखिल भारतीय मराठा महासंघाचे सिंधुदुर्ग जिल्हाध्यक्ष ॲड. सुहास सावंत यांनी दिला आहे.
महामार्गाचे कनिष्ठ अभियंता मुकेश साळुंके यांनी दिलेल्या खोट्या तक्रारी वरून माजी आमदार वैभव नाईक यांच्यावर ॲट्रॉसिटीचा गुन्हा दाखल करण्यात आला आहे. याविरोधात आज अखिल भारतीय मराठा महासंघाचे सिंधुदुर्ग जिल्हाध्यक्ष ॲड. सुहास सावंत यांच्या नेतृत्वाखाली मराठा समाज बांधवांनी ओरोस येथे सिंधुदुर्ग जिल्हा पोलीस अधीक्षक मोहन दहिकर यांची भेट घेऊन निवेदन दिले. चुकीच्या पद्धतीने दाखल केलेल्या ॲट्रॉसिटी गुह्याविरोधात यावेळी आक्षेप नोंदविण्यात आला. याप्रसंगी मोठ्या संख्येने मराठा समाज बांधव उपस्थित होते.
यावेळी मराठा समाजाचे नेते सतीश सावंत, बाबा सावंत, श्रेया परब, सुशांत नाईक, अमरसेन सावंत,मराठा समाज कुडाळ तालुका अध्यक्ष संतोष परब,मराठा विद्यार्थी जिल्हाध्यक्ष अनुपसेन सावंत, सोशल मीडिया अध्यक्ष विनय गायकवाड,कुडाळ युवक अध्यक्ष शैलेश घोगळे,शहर अध्यक्ष योगेश काळप, हर्षद पालव, आशिष काष्टे, चंदू कदम बबन बोभाटे,कृष्णा धरी, सचिन कदम,राजू कविटकर,योगेश धुरी, शेखर गावडे,एकनाथ धुरी, समीर लब्दे, दीपक आंगणे, तेजस राणे, सिद्धेश राणे,रोहित राणे, रुपेश आमडोस्कर,अमीत राणे,पिंटू उभारे,प्रदीप गावडे,संदीप सावंत, बाळू पालव, पप्पू पालव,आदित्य सावंत, दीपेश परब,दीपक धुरी,रवी कदम,भगवान परब,यज्ञेश गॊडे,निलेश परब, रमेश राणे आदी मराठा बांधव उपस्थित होते.
