कणकवली तालुक्यातील 64 ग्रामपंचायतींच्या सरपंच पदाची आरक्षण सोडत जाहीर

कणकवली तहसीलदार दीक्षांत देशपांडे यांच्या प्रमुख उपस्थितीत काढली आरक्षण सोडत

अनेक इच्छुकांची पत्ते कट, तर काहींना अनपेक्षित धक्का

कणकवली तालुक्यातील ६४ ग्रामपंचायतींच्या सरपंच पदासाठीची आरक्षण सोडत आज तहसीलदार दीक्षांत देशपांडे यांच्या उपस्थितीमध्ये कणकवली नगर वाचनालयाच्या सभागृहामध्ये करण्यात आली. यापूर्वी झालेली आरक्षण सोडत ही सर्वोच्च न्यायालयाच्या निर्देशानुसार रद्द करत पुन्हा नव्याने आरक्षण सोडत काढण्यात आली. यामध्ये अनुसूचित जाती सर्वसाधारण या पदा करिता पिसेकामते व दारिस्ते या दोन ग्रामपंचायतीची सरपंच पदे राखीव ठेवण्यात आली आहेत. तर अनुसूचित जाती महिला करिता शिरवल, नवी कुर्ली व वाघेरी या ग्रामपंचायती राखीव ठेवण्यात आल्या आहेत. अनुसूचित जमाती करिता कणकवली तालुक्यामध्ये एकही पद राखीव ठेवण्यात आलेले नाही. नागरिकांचा मागास प्रवर्ग सर्वसाधारण मध्ये ओटव, ओझरम, ओसरगाव, कासार्डे, वरवडे, फोंडाघाट, बोर्डवे, आयनल या ग्रामपंचायती तर नागरिकांचा मागास प्रवर्ग महिला करिता कलमठ, नडगिवे, लोरे, वागदे, खारेपाटण, हरकुळ बुद्रुक, जानवली, आशिये, नरडवे या ग्रामपंचायतीची सरपंच पदे राखीव ठेवण्यात आली आहेत. तर खुल्या प्रवर्गामध्ये सर्वसाधारण करिता करंजे, करूळ, कासरल, कुंभवडे, तोंडवली बा, दारूम, नागवे, बिडवाडी, भिरवंडे, माईन, वायगणी, वारगाव, शेर्पे , सातरल, हळवल, हुंबरट, सावडाव, दिगवळे, हरकुळ खुर्द, पियाळी, साकेडी या ग्रामपंचायतींची सरपंच पदे ही खुल्या प्रवर्गासाठी आहेत. तर खुल्या प्रवर्गातील महिला करिता कळसुली, कोळोशी, भरनी, कुरंगवणे बेर्ले,घोनसरी, कसवन तळवडे, सांगवे, शिडवणे, चिंचवली, नाटळ, गांधीनगर, तिवरे, असलदे, बेळणे खुर्द, डांमरे, नांदगाव, तरंदळे, शिवडाव, तळेरे, साळीस्ते, कोंडीये अशा 64 ग्रामपंचायतींकरिता आज आरक्षण जाहीर करण्यात आले. याप्रसंगी नायब तहसीलदार मंगेश यादव, गंगाराम कोकरे, विजय वरक, महसूल सहाय्यक सत्यवान माळवे, संभाजी खाडे, मनिषा बोडके, रंजीत चौगुले, श्री राणे आदी उपस्थित होते.

दिगंबर वालावलकर कणकवली