🛑”भजनी कलाकार संस्था सिंधुदुर्ग” या संस्थेची भव्य सभा शनिवार दि.14/06/2025 रोजी.

🛑जिल्ह्यातील सर्व भजनी कलाकारांनी उपस्थित रहावे-संस्थाध्यक्ष बुवा संतोष कानडे.

🟡स्थळ-भगवती मंगल कार्यालय कणकवली.
🟡उपस्थित सर्व भजनी कलाकारांसाठी भोजनाची व्यवस्था.

कणकवली/प्रतिनिधी.

दि.31 मे 2025 रोजी सिंधुदुर्ग जिल्ह्यातील सर्व भजनी कलाकारांची विशेष महत्त्वपूर्ण सभा ही कणकवली येथील परमहंस भालचंद्र महाराज मठ येथे संपन्न झाली.या सभेमध्ये विविध विषयांवर चर्चा करण्यात आली असून याच सभेदरम्यान जिल्ह्यातील भजनी कलाकार एकसंघ राहण्यासाठी उपस्थितांच्या एकमताने “भजनी कलाकार संस्था सिंधुदुर्ग या संस्थेची स्थापना करून पदाधिकारी आणि कार्यकारणी ची निवड प्रक्रिया तसेच तालुका निहाय प्रमुखांची निवड करण्यात आली.
या पार्श्वभूमीवर “भजनी कलाकार संस्था सिंधुदुर्ग” या नूतन निर्माण झालेल्या संस्थेच्या घटनेवर विशेष चर्चा करून घटनेचे निश्चितीकरण करण्यासाठी तसेच इतरही काही महत्त्वाच्या विषयांवर चर्चा करण्यासाठी अत्यंत महत्त्वपूर्ण असलेली विशेष सभा शनिवार दि.14 जून 2025 रोजी कणकवली येथील “भगवती मंगल कार्यालय” या ठिकाणी सकाळी ठीक 10 वाजता आयोजित करण्यात आलेली आहे. सभेस उपस्थित राहणाऱ्या सर्व भजनी कलाकारांसाठी भोजनाची देखील व्यवस्था करण्यात आलेली आहे.
मागील सभेचा संदर्भ घेत विविध विषयांवर चर्चा करण्यासाठी ही सभा अतिशय महत्वाची असून जिल्ह्यातील सर्वच भजनी कलाकारांनी मोठ्या संख्येने या सभेला वेळेत उपस्थित राहण्याचे आवाहन संस्थेचे जिल्हा अध्यक्ष बुवा संतोष कानडे यांनी केले आहे.

सभेपुढील विषय –
✅ 31 मे रोजीच्या सभेत ठरल्याप्रमाणे संस्थेच्या घटनेवर चर्चा करणे व घटना निश्चित करणे.
✅ पुढील काळातील संस्थेच्या कार्यपद्धतीवर चर्चा.
✅ संस्थेच्या वतीने भजन शुद्धीकरणासाठी नियम आणि अटी-शर्ती लागू करणे.
✅सभासद वाढीसाठी योग्य नियोजन आणि घटनेचा प्रचार-प्रसार,निर्माण केलेल्या अटी शर्तींची जनजागृती करण्यासाठी योग्यत्या नियोजनावर चर्चा.
✅ संस्थेच्या वतीने भव्य दिव्य अशा कार्यक्रमाच्या नियोजनावर चर्चा.
✅अध्यक्षांच्या परवानगीने आयत्यावेळी येणारे विषय.