सिंधुदुर्गचे पालकमंत्री करताहेत काय?

माजी आमदार परशुराम उपरकर यांचा सवाल

जिल्हाधिकाऱ्यांना बाजूला करून या दोघांची मुख्यमंत्र्यांना भेटण्याची हिंमत होतेच कशी?

मुख्यमंत्र्यांच्या स्वागताला जिल्हाधिकाऱ्यांपूर्वी सर्वांना बाजूला करून जाणारे महसूलचे कर्मचारी कंठाळे, व हांगे यांनी बीड पॅटर्न प्रमाणे या जिल्ह्यात धुडगूस घालण्याचा प्रयत्न करत असल्याने त्यांचे निलंबन नव्हे तर त्यांना बडतर्फ करण्याची गरज आहे. मधल्या काळात आचरा भागामध्ये अनधिकृत वाळू बाबत लाचखोरीत मिळालेले होते. देशात युद्धजन्य परिस्थिती असताना तसेच सुरक्षेच्या अनुषंगाने मुख्यमंत्री उपमुख्यमंत्री यांना उच्च दर्जाची सुरक्षा असताना देखील कोणीतरी कर्मचारी जर मुख्यमंत्र्यांना व उपमुख्यमंत्र्यांना भेटण्यासाठी जिल्हाधिकाऱ्यांना बाजूला करून भेटत असतील तर ही बाब गंभीर आहे. या दोन्ही कर्मचाऱ्यांना बडतर्फ करा अशी मागणी माजी आमदार परशुराम उपरकर यांनी पत्रकार परिषदेत केली. मुख्यमंत्री किंवा उपमुख्यमंत्र्यांना भेटायचं असेल तर प्रशासनातल्या वरिष्ठ अधिकाऱ्यांना भेटून प्रोटोकॉल ऑफिसरला भेटल्यानंतर सुरक्षेच्या दृष्टीने तपासणी होऊन त्यानंतर भेट दिली जाते. मात्र या दोन्ही कर्मचाऱ्यांचा बीडचं कौशल्य म्हणावा लागेल असा टोला उपरकर यांनी लागावला. जिल्ह्यात शांतता व सुव्यवस्था राखणार असे सांगणारे जिल्ह्याचे पालकमंत्री करतात काय? शिस्त आणणारे शिस्तीत वागणारे जिल्ह्याचे पालकमंत्री स्वतःला म्हणून घेत असताना मुख्यमंत्री जिल्ह्यात आल्यावर पालकमंत्री यांच्या समोरच साधा तलाठी आणि सर्कल जिल्हाधिकाऱ्याला बाजूला टाकून मुख्यमंत्र्यांना भेटायला जाऊ शकतो. मी कधीही जिल्ह्याच्या सुरक्षिततेच्या दृष्टीने तडजोड करणार नाही असे सांगणारे पालकमंत्री आता काय करताहेत असा सवाल उपकर यांनी केला.