विवाहितेशी गैरवर्तन केल्याप्रकरणी आरोपीला सत्र न्यायालयाकडून जामीन

संशयित आरोपीच्या वतीने ऍड उमेश सावंत यांचा युक्तिवाद

डॉक्टरकडे जाऊन घरी परतत असताना एका विवाहीत महिलेशी मोटारसायकलस्वाराने चालत्या गाडीवरून गैरवर्तन केल्याप्रकरणी अटकेत असलेल्या नामदेव दिनेश घाडीगांवकर रा. हरकुळ बुद्रुक याला प्रधान जिल्हा व सत्र न्यायाधिश एच. बी. गायकवाड यांना ५० हजार रुपयांच्या जातमुचलक्याचा सशर्थ जामिन मंजूर केला. आरोपीच्यावतीने अॅङ उमेश सावंत यांनी काम पाहिले.

आपल्या नातेवाईकांजळ आलेली सदरची महिला डॉक्टरकडे जाऊन रात्रीच्यावेळी घरी परतत असताना आरोपीने तीच्यावर लक्ष ठेऊन अंधाराचा फायदा घेत तीच्याशी गैरवर्तन केले. आरोपीने त्यावेळी रेनकोट, हेल्मेट घातलेले होते. मात्र, ही घटना सीसीटीव्हीमध्ये कैद झाली होती. स्थानिक गुन्हा अन्वेषण शाखेने याबाबत पाठपुरावा करून त्या वाहनाचा शोध घेतला असता जिल्ह्यात विशिष्ठ कंपनीची चारच वाहने विक्री झाल्याचे उघड झाले. त्यापैकी एक वाहन हरकुळ बुद्रुक येथील नामदेव घाडीगांवकर यांच्याकडे असल्याचे निष्पन्न झाले. त्यानुसार तपास केला असता आरोपीने गुन्हा केल्याचे उघड झाल्याने त्याच्याविरूद्ध बीएनएस कलम ७४, ७५ प्रमाणे गुन्हा दाखल करून अटक करण्यात आली होती. तसेच ओळख परेडही घेण्यात आली होती.
याप्रकणी दाखल जामिन अर्जावर झालेल्या सुनावणीअंती सरकारीपक्षाच्या साक्षी पुराव्यात ढवळाढवळ करू नये आदी अटी घालत जामिन मंजूर करण्यात आला.

कणकवली प्रतिनिधी