कणकवलीत “त्या” बॅनर वरून राजकीय वातावरण तापले

नगरपंचायत व पोलीस प्रशासनाकडून बॅनर हटवण्याच्या हालचाली

शिवसैनिकांचा संजय राऊत यांचा “तो” बॅनर हटविण्यास विरोध

कणकवली शिवसेनेचे फायर ब्रँड नेते व खासदार संजय राऊत यांचे कणकवली पटवर्धन चौकात आज सायंकाळी पाच वाजता स्वागत करण्यात येणार असताना त्यांच्या स्वागता साठी काही वेळापूर्वी लावलेले कणकवलीतील पटवर्धन चौकामधील “इलाका तेरा धमाका मेरा” या टॅग लाईन खालचे बॅनर हे कायदा व सुव्यवस्थेचा प्रश्न निर्माण करणारे असल्याचे कारण देत हे बॅनर हटवण्यासाठी नगरपंचायत प्रशासन पटवर्धन चौकात दाखल झाले आहे. त्यामुळे या विषयावरून राजकीय वातावरण तापू लागले असून, हा बॅनर हटवण्यास शिवसैनिकांनी विरोध केला आहे. त्यामुळे आता याबाबत पुढे काय होणार ते पाहणे महत्त्वाचे असणार आहे.

दिगंबर वालावलकर/ कणकवली