राजकोट किल्ल्याच्या “त्या” घटनेबाबत सार्वजनिक बांधकाम विभागाचा खुलासा

काम निकृष्ट झाले नसल्याचा सा. बां. चा दावा

अभिनव संकल्पना असल्यास संपर्क साधण्याचे केले आवाहन

४ डिसेंबर २०२३ रोजी मालवण येथे साजरा करण्यात आलेल्या भारतीय नौसेना दिवसाप्रित्यर्थ राजकोट किल्ल्यामध्ये उभारण्यात आलेल्या छत्रपती शिवाजी महाराज यांच्या पुतळ्याचे अनावरण. पंतप्रधान यांच्या हस्ते करण्यात आले. सदरच्या कार्यक्रमानंतर राजकोट येथील तटबंदीचे दगड खाली व पुतळ्याच्या चौथऱ्याचे ग्रेनाईट अर्धवट अवस्थेत व तुटले असल्याचे फोटो बऱ्याच सोशल मिडिया साईटवरून फिरत असल्याचे निदर्शनास आले आहे. यामुळे शिवप्रेमी आणि सर्वसामान्य नागरिकांमध्ये संभ्रम निर्माण होत आहे व सार्वजनिक बांधकाम विभागाची नाहक बदनामी होत आहे. वास्तविकत: न पुतळा व त्याच्या चौथऱ्याचे काम संपूर्णपणे नौसेना दलामार्फत करण्यात आलेले आहे. किल्याचा दरवाजा व तटबंदीचे काम सा. बां. विभागामार्फत करणेत आले आहे.
पुतळ्याचे अनावरण प्रसंगी कार्यक्रम व्यवस्थापकामार्फत तात्पुरते स्वरूपाचे भव्य लोखंडी स्टेज उभारण्यात आले होते. त्यावेळी लोकांना उभे राहण्यासाठी बनविलेल्या प्लेटफोर्म मुळे तटबंदीवरील काही उभे दगड काढून ठेवण्यात आले होते. सदरचे दगड पडले नाहीत. सदरचे काढून ठेवणेत आलेले दगड आता। बसविण्यात आले आहेत. किल्ला व तटबंदीचे कोणतेच काम निकृष्ट झालेले नाही.
तसेच अनावरणप्रसंगी चौथन्याच्या चारी बाजूने अवजड लोखंडी कॉलमवर पडदे बसविण्यात आले होते. अवजड लोखंडी कॉलम ग्रेनाईटवर ग्रीप न मिळता घसरतील यामुळे ग्रेनाईट बसविण्यात आले नव्हते. आता ग्रेनाईट बसविण्याचे काम सुरु असून उद्या संध्याकाळपर्यंत पूर्ण करणेत येईल. राजकोट येथील छत्रपती शिवाजी महाराज यांचा पुतळा आणि परिसराचे पावित्र्य राखणेच्या कर्तव्यात कोणतीच तडजोड या विभागामार्फत केली गेली नाही. तरीही शिवप्रेमी आणि सर्वसामान्य नागरिकांची मने दुखावल्यामुळे आम्ही दिलगिरी व्यक्त करीत आहोत. या परिसराच्या सौंदर्यात भर घालण्यासाठी आपली मते मौलिक सूचना, अभिनव कल्पना अथवा विचार खालील पत्त्यावर सा. बां. विभागास कळवावे. त्यावर उचित कार्यवाही करणेची नोंद घेणेत येईल.
या प्रसिद्धीपत्रकाद्वारे तमाम शिवप्रेमींना नम्र विनंती करणेत येत आहे कि कृपया त्यांनी कोणत्याही अफवांना बळी पडू नये व या कार्यालयास सहकार्य करावे असे आवाहन सहायक अभियंता श्रेणी १ सार्वजनिक बांधकाम उपविभाग, मालवण यांनी केले आहे.

मालवण प्रतिनिधी