दिग्गज कलाकारांच्या उपस्थितीत होणार कणकवली पर्यटन महोत्सव

११ ते १४ जानेवारी रोजी करण्यात आले आहे आयोजन

सिनेसृष्टीतील दिग्गज कलाकारांची कणकवलीत चार दिवस असणार मांदियाळी

माजी नगराध्यक्ष समीर नलावडे यांची माहिती

कणकवली नगरपंचायत चे माजी नगराध्यक्ष, उपनगराध्यक्ष व सत्ताधारी नगरसेवक यांच्या माध्यमातून पर्यटन महोत्सव २०२४ चे आयोजन ११ ते १४ जानेवारी या कालावधीत होणार आहे. कणकवली उपजिल्हा रुग्णालयासमोरील मैदानात हा भव्य दिव्य महोत्सव होणार आहे. आता नगरपंचायत मध्ये प्रशासक आहेत. तरी देखील आम्ही सर्वांनी पर्यटन महोत्सव घेण्यासाठी आ.नितेश राणेंना भेटलो,त्यांनी महोत्सव घ्यावा,आपण पाठीशी आहोत असे सांगितले.कणकवली शहरातील नागरिकांना पर्यटन महोत्सवाचा आनंद मिळावा,या भावनेतून दरवर्षी प्रमाणे हा पर्यटन महोत्सव आयोजित करण्यात आल्याची माहिती माजी नगराध्यक्ष समीर नलावडे यांनी दिली. माजी नगराध्यक्ष समीर नलावडे यांच्या संपर्क कार्यालयात आयोजित पत्रकार परिषदेत ते बोलत होते.यावेळी माजी उपनगराध्यक्ष बंडू हर्णे, माजी नगरसेवक अभिजित मुसळे,अजय गांगण,मेघा गांगण, विराज भोसले, राजू गवाणकर, आदी उपस्थित होते
११ डिसेंबर २०२३ या कालावधीत कणकवली शहरात भव्य दिव्य शोभा यात्रा काढण्यात येणार आहे. त्यामध्ये ढोल पथक,दशवातर कलाकार,१७ प्रभागांचे चित्ररथ , बैलगाडी ही शोभा यात्रा ११ डिसेंबरला सायंकाळी ४ वाजता पटकी देवी बाजारपेठ मार्गे उपजिल्हा रुग्णालयात कणकवली समोरील मैदान पर्यंत जाईल. या शोभायात्रेतून जिल्ह्याच्या संस्कृतीचे दर्शन घडवले जाणार आहे. त्यानंतर बेधुंद ऑर्केस्ट्रा टिव्ही व सिने कलाकारांच्या उपस्थितीत होईल.या पर्यटन महोत्सवाचा शुभारंभ पालकमंत्री रविंद्र चव्हाण,माजी खा.निलेश राणे,आ.नितेश राणे,माजी आ.प्रमोद जठार ,जिल्हा बँक अध्यक्ष मनीष दळवी,भाजपा जिल्हाध्यक्ष प्रभाकर सावंत,माजी जिल्हा परिषद अध्यक्ष संदेश सावंत,जिल्हा बँक उपाध्यक्ष अतुल काळसेकर यांच्या उपस्थितीत उद्घाटन सोहळा पार पडेल.यावेळी महोत्सवात फूड फेस्टिवल उद्घाटन रोटरी क्लब पदाधिकारीच्या उपस्थितीत होईल.
दुसरा दिवस म्हणजेच १२ जानेवारी रोजी कणकवली ही सांस्कृतिक परंपरा असलेली भूमी आहे. त्यासाठी स्थानिक कलाकारांना व्यासपीठ मिळवून दिले जाईल.कणकवली येथील कलाकारांचा भव्य कार्यक्रम होईल.त्यात २०० कलाकारांचा सहभाग असेल,त्याचे आयोजन जेष्ठ कलाकार सुहास वरुणकर, प्रा.हरिभाऊ भिसे हे आयोजन करणार आहेत ,हा कार्यक्रम रात्री ८ वाजता सुरु होईल.तत्पूर्वी सायंकाळी ७ वाजता पदर प्रतिष्ठान महिला कलाकार सायंकाळी ७ ते ८ वाजण्याच्या सुमारास कार्यक्रम सादर करणार आहेत.शनिवार १३ जानेवारी भव्य ऑर्केस्ट्रा होईल,नामवंत टिव्ही कलाकार,कॉमेडी कलाकार असणार आहे,सायंकाळी ७.३० वाजता हा कार्यक्रम असेल.कणकवली शहरातील नागरिकांनी योगदान दिलेले आहेत,त्यांचे सत्कार करणार असल्याचे समीर नलावडे यांनी सांगितले.
रविवार १४ जानेवारी या शेवटच्या दिवशी हिंदी सिनेसृष्टीतील सेलिब्रिटी उपस्थित राहणार आहेत.हा कार्यक्रम आ.नितेश राणे यांच्या माध्यमातून असणार आहे.रात्री ८ वाजता हा कार्यक्रम होणार आहे.रात्रौ १० वाजता महोत्सव समारोप केंद्रीय मंत्री नारायण राणे, नीलमताई राणे,आ.नितेश राणे,माजी प्रमोद जठार यांच्या उपस्थितीत होणार आहे.हा चार दिवसांचा महोत्सव होणार असल्याचे समीर नलावडे यांनी सांगितले.

दिगंबर वालावलकर कणकवली