त्रिंबक गाव विकासाची जागृत मंडळाची तळमळ कौतुकास्पद सुरेश ठाकूर त्रिंबक येथे दिनदर्शिका प्रकाशन सोहळा संपन्न
जागृत उन्नती मंडळ त्रिंबक या संस्थेने त्रिंबक गावच्या विकासासाठी निधी उपलब्ध व्हावा याकरिता २०२६ सालची दिनदर्शिका जनता विद्या मंदिर त्रिंबक येथील सभागृहात प्रकाशित केली.यातुन मिळणारा निधी गाव विकासासाठी वापरला जाणार आहे.जागृत मंडळाची गाव विकासाची तळमळ हि कौतुकास्पद असल्याचे गौरवोद्गार साहित्यिक सुरेश ठाकूर यांनी त्रिंबक येथे व्यक्त केले. जागृत मंडळाने प्रसिद्ध केलेल्या दिनदर्शिकेचे प्रकाशन सुरेश ठाकूर यांच्या हस्ते संपन्न झाले.यावेळी ते बोलत होते.यावेळी त्यांच्या सोबत जागृत उन्नती मंडळाचे अध्यक्ष दत्ता पवार, तसेच चेतन साटम,अरविंद कदम,संतोष त्रिंबककर अनिल कदम.तूषार चिंदरकर, मंगेश शेटे,दिगंबर साटम, सुनील जाधव
,विश्वंभर राउत. तसेच ग्रामीण शाखेचे बाळा बागवे, उदय मेहेंदळे,किशोर त्रिंबककर,आशिश बागवे, सिताराम सकपाळ, श्रीकांत बागवे,संभाजी शेटगे,संतोषी सावंत.अजय पवार, सुचीता घाडीगांवकर, नेहा वैगुर्लेकर ,माधुरी कामतेकर ,ग्रीष्मा बागवे, अस्मिता वर्देकर,छाया साटम अर्चना त्रिंबककर अशोक बागवे विशाल मेस्त्री आदी मान्यवर उपस्थित होते. सचिव अरविंद कदम यांनी प्रास्ताविक करतांना दिनदर्शिका छपाई आणि देणगी याचा आढावा मांडला. तसेच खजिनदार संतोष त्रिंबककर यांनी प्राप्त देणगी आणि झालेला खर्च या बाबत सभागृहाला माहिती दिली, यावेळी दिनदर्शिके करीता देणगी देणाऱ्या मान्यवरांचा सत्कार करण्यात आला. तसेच सुरेश ठाकूर यांच्या शब्दांच्या पलीकडे या पुस्तकांच्या, ५० प्रती जागृत मंडळा कडून मुख्याध्यापक प्रवीण घाडीगांवकर यांच्या कडे देण्यात आल्या. कार्यक्रमाचे सुत्रसंचालन मंगेश शेटे आणि आभार नवनीत घाडीगांवकर यांनी मांनले.
