रामेश्वर सोसायटीच्या वस्ती परीसरात दिवसा बिबट्याचे दर्शन ग्रामस्थांमध्ये भितीचे वातावरण

आचरा सिमांबा येथील रामेश्वर विकास सोसायट्या आवारात शुक्रवारी भर दुपारी बिबट्याने दर्शन दिल्याने येथील वस्ती करणा-या ग्रामस्थांमध्ये भितीचे वातावरण पसरले आहे.ग्रामस्थांची जाग लागताच बिबट्याने नितिन कृष्णा गावकर यांच्या घराच्या परीसरात झेप घेत पळ काढल्याने ग्रामस्थांमधून सुटकेचा निःश्वास सोडण्यात आला.
दुपारी जेवण आटोपून आपल्या घराच्या गॅलरीत बसलेल्या अनुष्का मुननकर हिच्या नजरेत सोसायटीच्या मुख्य रस्त्याने चालत जाणाराबिबट्या पडताच त्यांनी सासरे गणपत मुननकर यांना सांगितले.याच दरम्यान विरुद्ध बाजूने येणा-या मोटारसायकल च्या आवाजाने बिबट्याने वाट सोडून नितीन गावकर यांच्या घराच्या आवारातून पळ काढला. यावेळी गावकर यांच्या घराच्या परीसरात बिबट्या च्या पायाचे ठसे उमटलेले दिसून येत होते. भर दिवसा सोसायटीच्या आवारात बिबट्याने दर्शन दिल्याने ग्रामस्थांमधून भीती व्यक्त केली जात आहे.तातडीने वनविभागाने बिबट्याचा बंदोबस्त करण्याची मागणी करण्यात येत आहे. खबर कळताच आचरा सरपंच जेराॅन फर्नांडिस, व्यापारी संघटनेचे अध्यक्ष अर्जुन बापर्डेकर, उपाध्यक्ष परेश सावंत यांनी भेट दिली होती.यावेळी सोसायटीचे अन्य रहिवासी उपस्थित होते.