“आजचा सत्कार, सिंधुदुर्ग जिल्ह्याच्या इतिहासातील काळा दिवस”

कणकवली तालुक्यात लागलेले बॅनर ठरताहेत चर्चेचा विषय

“श्रीधर नाईक अमर रहे”, “सत्यविजय भिसे अमर रहे” असा देखील आहे बॅनरवर उल्लेख

बॅनरचा रोख शिवसेना ठाकरे गटाच्या कार्यक्रमावर?

विधानसभा निवडणुकीच्या पार्श्वभूमीवर कणकवलीत आता राजकीय घडामोडींना वेग आला असून, एकीकडे शिवसेना ठाकरे गटाचा उमेदवार अद्याप जाहीर झालेला नसताना काल मगळवारी शिवसेनेचा झालेला सत्कार सोहळा याचा संदर्भ घेत कणकवली शहरासह कणकवली तालुक्यात नांदगाव, तरेळे, कासारडे आधी ठिकाणी लावलेले बॅनर सध्या चर्चेचा विषय ठरला आहे. या बॅनर वर “आजचा सत्कार, सिंधुदुर्ग जिल्ह्याच्या इतिहासातील काळा दिवस” असा उल्लेख करत या बॅनर वर “श्रीधर नाईक अमर रहे” “सत्यविजय भिसे अमर रहे” असा उल्लेख केलेला आहे. “सत्यविजय भिसे आम्हाला माफ करा” असा देखील उल्लेख या बॅनर वर करण्यात आला आहे. या बॅनर वरील ओळीचा संदर्भ घेतला असता काल मगळवारी शिवसेना ठाकरे गटाकडून कणकवली भगवती मंगल कार्यालय या ठिकाणी माजी आमदार परशुराम उपरकर व माजी आमदार राजन तेली यांचा सत्कार करण्यात आला. सत्काराचा संदर्भ या बॅनर वर घेत हा बॅनर लावल्यत आल्याचे समजते. यामध्ये श्रीधर नाईक हत्येच्या गुन्ह्यात त्यावेळी परशुराम उपरकर संशयित आरोपी होते. मात्र त्यानंतर ते सदर केस मध्ये निर्देश सुटले होते. तर सत्यविजय भिसे केस मध्ये देखील राजन तेली हे संशयित आरोपी होते मात्र ते देखील या केस मध्ये निर्दोष सुटले होते. त्यामुळे उपरकर व तेली यांच्या सत्कारावर हा संदर्भ घेत भाष्य करणारे हे बॅनर असल्याची चर्चा कणकवलीत आहे. मात्र हा बॅनर कोणी लावला? ते अद्याप तरी गुलदस्त्यात आहे. कणकवली तालुक्यात नाक्या नाक्यांवर लागलेले हे बॅनर सध्या चर्चेचा विषय बनले आहेत.

दिगंबर वालावलकर/ कणकवली