पिंगुळीचे माजी ग्रा.प. सदस्य बाबू सावंत यांचे निधन

प्रतिनिधी । कुडाळ : पिंगुळी ग्रामपंचायत माजी सदस्य, उत्कृष्ट कबड्डीपटू तसेच सर्वांशी प्रेमाने वागणारे रिक्षा व्यवसायिक सुभाष उर्फ बाबू सावंत (वय 57) यांचे रविवारी सकाळी दुःखद निधन झाले. ते गेली बरीच वर्षे रिक्षा व्यवसायिक म्हणून कार्यरत असताना त्यांनी अनेक माणसे जोडली. नेहमीच हसतमुख चेहरा असणारे व्यक्तिमत्त्व म्हणून त्यांची ओळख होती. दुसऱ्याच्या मदतीला धावून जाणे हा त्यांचा स्वभाव होता. त्यांच्या पश्चात पत्नी, भाऊ, मुलगे असा परिवार आहे. ते बाबू सावंत या नावाने परिचित होते. आज सकाळी त्यांच्यावर शोकाकुल वातावरणात अंत्यसंस्कार करण्यात आले.

प्रतिनिधी, कोकण नाऊ, कुडाळ.