थाळी कष्टकऱ्यांची मध्ये आज माजी उपनगराध्यक्ष बंडू हर्णे यांचा सहभाग

वाढदिवसानिमित्त कष्टकऱ्यांना दिले मोफत जेवण

उपक्रमाची सुरुवात केल्यापासून उत्स्फूर्त प्रतिसाद

कणकवली शहरात कष्टकऱ्यांसाठी वाढदिवसानिमित्त मोफत जेवण देण्याची संकल्पना थाळी कष्टकऱ्यांची पंगत आपलेपणाची या माध्यमातून कणकवलीचे माजी नगराध्यक्ष समीर नलावडे यांनी समीर नलावडे मित्र मंडळाच्या माध्यमातून अस्तित्वात आणली. त्याची गेले काही दिवस प्रत्यक्षात अंमलबजावणी सुरू झाली आहे. पहिल्या दिवसापासूनच या उपक्रमाला उत्स्फूर्त प्रतिसाद मिळत असताना आज कणकवलीचे माजी उपनगराध्यक्ष बंडू हर्णे यांच्या वाढदिवसानिमित्त कणकवलीत थाळी कष्टकऱ्यांची करिता मोफत जेवण देण्यात आले. कणकवली माजी नगराध्यक्ष समीर नलावडे व माजी उपनगराध्यक्ष बंडू हर्णे यांच्या प्रमुख उपस्थितीत या आजच्या थाळीचा शुभारंभ करण्यात आला. यावेळी त्यांच्यासोबत सोहन हर्णे, राजू गवाणकर, जावेद शेख, अनिल पवार, राजा पाटकर, नऊ झेमणे, सोनू भंडारी आदी उपस्थित होते.

कणकवली, प्रतिनिधी