गणेश चतुर्थी स्थानिक व्यापार बैठक व्यवस्था मुख्य बाजारपेठ नियोजन व पार्किंग नियोजन पुर्वी प्रमाणे करण्यात यावे

माजी नगराध्यक्ष बबन साळगावकर याची मागणी

सावंतवाडी

गणेश चतुर्थी निमित्त स्थानिक व्यापार बैठक व्यवस्था मुख्य बाजारपेठ नियोजन व पार्किंग नियोजन पुर्वी प्रमाणे करण्यात यावे अशी मागणी माजी नगराध्यक्ष बबन साळगावकर यांनी सावंतवाडी नगर परिषद मुख्यकार्यकारी अधिकारी यांच्याकडे निवेदनाद्वारेकेली आहे. कोकणातील गणेशोत्सव सर्वात मोठा उत्सव साजरा होत असतो. या उत्सवासाठी देश विदेशातून मुंबई, पुणे तसेच देशातील अन्य भागातून गणपती उत्सवासाठी मोठ्या प्रमाणामध्ये आपल्या घरगुती गणपती गणेशोत्सवासाठी नागरिक येत असतात, हा कोकणवास यांचा महत्त्वाचा उत्सव या उत्सवाची पूर्वतयारी सावंतवाडीनगरपरिषद पूर्वीपासून करत आलेली आहे. स्थानिक व्यापाऱ्यांच्या हिताच्या दृष्टीने मुख्य बाजारपेठेमध्ये स्थानिक व्यावसायिकांना बसण्याची नियोजन केले जाते, ते नियोजन गांधी चौक भांगले पेट्रोल पंप ते जयप्रकाश चौक तसेच वेलनेस ते पेट्रोल पंप संपूर्ण मार्केटच्या भोवती बसण्याची व्यवस्था होत असते ,ती व्यवस्था तशीच करावी. शहरातील पार्किंगचे नियोजन पूर्वी अनेक वेळा बैठका घेऊन केलेले आहे त्याप्रमाणेच करण्यात यावी याबाबतची पूर्ण माहिती वृक्ष प्राधिकरण अधिकारी गजानन परब यांच्याकडे आहे. त्याप्रमाणे शहरांमध्ये बोर्ड लावून नियोजन करावे. गणपती विसर्जनासाठी विशेष नियोजन करण्यात येते तसेच तराफे तलावातील होड्या दुरुस्त करण्यात याव्यात त्याचं नियोजन करण्यात यावे. गणपती विसर्जनाच्या ठिकाणी विशेष लाईट लावण्यात यावी, इलेक्ट्रिक विभागाचे प्रदीप सावरवाडकर यांच्याकडे याबाबत माहिती आहे तसेच आपल्या अध्यक्षतेखाली सर्व कर्मचाऱ्यांच्या बैठक घेऊन शहरातील पूर्वीच्या नियोजनाप्रमाणे नियोजन करावे अशी मागणी माजी नगराध्यक्ष बबन साळगावकर यांनी केली आहे.