कुडाळात अनियंत्रित कारचा मध्यरात्री थरार
एका कार सह दुकानांना धडक
सहाजण पोलिसांच्या ताब्यात
कुडाळ शहरात मंगळवारी मध्यरात्रीच्या सुमारास अनियंत्रित भरधाव बलेनो कारने रस्त्यालगतच्या दुकानांना जोरदार धडक देत, उभ्या असलेल्या एका कारलाही धडक दिली. ही घटना शहरातील गीता हाॅटेल समोरील मुख्य रस्त्यावर घडली. या घटनेत दोन्ही गाड्यांचे तसेच एका दुकानाचे नुकसान झाले आहे. कुडाळ जवळ एका ट्रान्सपोर्ट कंपनीची गाडी लुटण्याचा प्रयत्न करून ही कार पलायन करण्याचा प्रयत्न करीत असताना चालकाचा ताबा सुटल्याने हा अपघात झाला. कुडाळ पोलीसांनी चपळाईने तपास करीत लूट प्रकरणी सहा जणांना ताब्यात घेतले असून, सर्वजण स्थानिक असल्याची माहीती समोर येत आहे. दरम्यान गुन्हा दाखल करण्याची प्रक्रिया सुरू आहे.
