आदर्श व्यापारी संघटना आचरेच्या सत्यनारायण महापूजेसाठी किल्ला प्रतिकृती स्वामी रामेश्वर ग्रुपची कौतुकास्पद कामगिरी

आचरा येथील आदर्श व्यापारी संघटनेच्या वार्षिक सत्यनारायण पुजेसाठी स्वामीरामेश्वर मखर सजावट गृप तर्फे केळीच्या सोफापासून किल्ला प्रतिकृती उभारण्यात आली आहे. स्वामी रामेश्वर गृपच्या मंडळींनी सलग १४तास झटून उभारण्यात आलेली ही प्रतीकृती भाविकांचे आकर्षण ठरली आहे.या अगोदर याचठिकाणी राम मंदिर प्रतिकृती उभारण्यात आली होती. त्याची दखल राज्य भरातील प्रसारमाध्यमांनी घेतली होती. आदर्श व्यापारी संघटना आचरा दरवर्षी विविध उपक्रमांसह सत्यनारायण महापूजेचे आयोजन करते.यासाठी स्वामी रामेश्वर मखर सजावट गृपची मंडळी सहकार्याच्या भावनेने पुजेचे मखर बनविण्यासाठी झटत असतात.यावर्षी या गृपचे हेमंत गोवेकर,रुपेश बागवे, प्रशांत सावंत,चंदू कदम,रुपेश पुजारे, निलेश पुजारे,मुकेश पुजारे,परेश पुजारे,समिर गांवकर, शैलेश शेट्ये,पराग गोवेकर, प्रसाद गुरव,सदा पुजारे, राम मिराशी आदींनी गुरुवारी रात्री साडेनऊ पासून केळीच्या सोफांपासून मखर बनविण्यासाठी सुरू करुन सलग चौदा तासांच्या अथक प्रयत्नातून सत्यनारायण महापूजेसाठी किल्ल्याची आकर्षक प्रतिकृती उभारण्यात आली.त्यांनी उभारलेली प्रतिकृती भाविकांच्या आकर्षणाचा विषय ठरली आहे. जिल्हा महासंघ पदाधिकाऱ्यांची भेट आदर्श व्यापारी संघटनेच्या वार्षिक सत्यनारायण पुजेला जिल्हा महासंघाचे खजिनदार अरविंद नेवाळकर आणि सहका-यांनी भेट देत आदर्श व्यापारी संघटनेच्या उपक्रमांचे कौतुक केले.यावेळी संघटनेचे अध्यक्ष अर्जुन बापर्डेकर संघटनेचे सल्लागार आणि आचरा सरपंच जेराॅन फर्नांडिस, उपाध्यक्ष मंदार सांबारी, सचिव पंकज आचरेकर, खजिनदार जयप्रकाश परुळेकर, तसेच हेमंत गोवेकर,चंदु कदम,भाई नलावडे,संदिप पांगम,शैलेश मुणगेकर यांसह अन्य व्यापारी बांधवांतर्फे प्रदिप संत कस्तूरी चहा सेल्स ऑफिसर, अवधूत नेवाळकर,विवेक नेवाळकर, महासंघाचे कार्यकारिणी सदस्य अशोक गाड आदींचा शाल श्रीफळ देऊन सन्मान करण्यात आला.