देवगड शिवसेना पदाधिकारी विलास साळसकर व पालकमंत्री नितेश राणे यांची कणकवलीत भेट

निवडणुकीच्या रणधुमाळी ही भेट घडल्याने अनेकांच्या भुवया मात्र उंचावल्या

शिवसेना तालुकाप्रमुखांना पाहून पालकमंत्र्यांनी थांबवला ताफा

कणकवली नगरपंचायती रणधुमाळी सुरू असताना या रणधुमाळी मध्ये पालकमंत्री नितेश राणे आज शहरात वैयक्तिक गाठीभेटी घेण्याकरता व मतदारांशी संवाद साधण्याकरिता आपल्या ताफ्यासह फिरत होते. यादरम्यान कणकवली श्रीधर नाईक चौक या ठिकाणी शिवसेनेचे देवगड तालुक्यातील पदाधिकारी विलास साळसकर व पालकमंत्री यांची अचानक भेट झाली. विलास साळसकर हे श्रीधर नाईक चौक या ठिकाणी थांबलेले असताना पालकमंत्र्यांनी त्यांना पाहून आपल्या वाहनांचा ताफा थांबावला व त्यांच्यासोबत चर्चा करत काही सेकंद दोघांमध्ये हास्यविनोद देखील झाले. ऐन निवडणुकीच्या रणधुमाळीत राज्यात मित्रपक्ष म्हणून युतीत भाजपा व शिवसेना असलेले व कणकवलीत मात्र एकमेकांच्या विरोधात उमेदवार उभे करून उभे ठाकलेले असताना सुद्धा पालकमंत्र्यांनी या रणधुमाळीच्या व्यस्त वेळेतही विलास साळसकर यांच्याशी संवाद साधत मैत्रीपूर्ण राजकारणाचे संकेत दिले.

दिगंबर वालावलकर कणकवली