राष्ट्रीय ग्राहक दिनानिमित्त जिल्हास्तरीय निबंध स्पर्धा

ग्राहक पंचायत महाराष्ट्र-सिंधुदुर्ग जिल्हा शाखेचे आयोजन

२४ डिसेंबर या “राष्ट्रीय ग्राहक दिना” निमित्त ग्राहक पंचायत महाराष्ट्र संस्थेच्या सिंधुदुर्ग जिल्हा शाखेच्यावतीने “जिल्हास्तरीय निबंध स्पर्धा-२०२५” चे आयोजन करण्यात आले आहे. कनिष्ठ महाविद्यालयीन गट, महाविद्यालय गट आणि खुला गट अशा तीन गटात हि स्पर्धा होणार आहे. जास्तीत जास्त स्पर्धकांनी या स्पर्धेत भाग घ्यावा असे आवाहन ग्राहक पंचायत महाराष्ट्र- सिंधुदुर्ग जिल्हा शाखेच्यावतीने करण्यात आले आहे.
संपूर्ण अर्थव्यवस्थेचा केंद्रबिंदू असलेला ग्राहक राजा सजग व्हावा, ग्राहकाला आपले हक्क, अधिकार आणि कर्तव्ये याची जाणीव व्हावी, ग्राहक चळवळ विद्यार्थी व सर्वसामान्य लोकांपर्यंत पोचावी, ग्राहक संरक्षण कायद्याच्या प्रसाराबरोबरच शोषणमुक्त समाज निर्मितीसाठी २४ डिसेंबर या “राष्ट्रीय ग्राहक दिना”निमित्त ग्राहक पंचायत महाराष्ट्र-सिंधुदुर्ग जिल्हा शाखेच्यावतीने जिल्हास्तरीय निबंध स्पर्धा-२०२५ चे आयोजन करण्यात आले असून हि निबंध स्पर्धा बँक ऑफ महाराष्ट्र, शाखा वैभववाडी आणि पोलीस ठाणे, वैभववाडी यांनी पुरस्कृत केली आहे.
या निबंध स्पर्धा कनिष्ठ महाविद्यालयीन गट, महाविद्यालय गट व खुला गट अशा तीन गटात आयोजित केली असून निबंध स्पर्धेचा सविस्तर तपशिल पुढील प्रमाणे- १) पहिला गट- कनिष्ठ महाविद्यालयीन गट (इयत्ता ११ वी व १२ वी) विषय- विद्यार्थी ग्राहक- हक्क, अधिकार आणि कर्तव्ये. शब्दमर्यादा २५० ते ३००. २) दुसरा गट- महाविद्यालय गट – विषय- ग्राहक शिक्षण: शाळा महाविद्यालयातून समाजापर्यंत. शब्दमर्यादा- ३५० ते ४००. ३) तिसरा गट- खुला गट – विषय- डिजिटल युगातील ग्राहक फसवणूक-जागरुकतेची गरज. शब्दमर्यादा- ४०० ते ५००.
स्पर्धकांनी आपला निबंध स्वच्छ अक्षरात फुलस्केप पानाच्या एका बाजूला लिहिलेला असावा. विद्यार्थी स्पर्धकांनी आपले संपूर्ण नाव, पत्ता, वर्ग, शैक्षणिक संस्थेचा पत्ता व संपर्क क्रमांक स्वतंत्र पानावर लिहावा. प्रत्येक गटातील प्रथम तीन क्रमांकांना अनुक्रमे रोख रु.५०१/-, ४०१/- व ३०१/- सन्मान चिन्ह आणि प्रमाणपत्र देऊन जिल्हा स्तरावरील राष्ट्रीय ग्राहक दिनी गौरविण्यात येईल.
जिल्ह्यातील अधिकाधिक स्पर्धकांनी यामध्ये सहभागी व्हावे. स्पर्धकांनी आपले निबंध १५ डिसेंबर पर्यंत अध्यक्ष /सचिव, ग्राहक पंचायत महाराष्ट्र, सिंधुदुर्ग जिल्हा शाखा घर नं. ५४४ ‘श्रीनीश’ मु. पो. ता. वैभववाडी, जि.सिंधुदुर्ग 416 810 या पत्त्यावर पाठवावेत. अधिक माहितीसाठी जिल्हा अध्यक्ष प्रा.एस.एन.पाटील (9834984411), संघटक- श्री. विष्णुप्रसाद दळवी (9869854523) व सचिव श्री.संदेश तुळसणकर (9420100946) यांच्याशी संपर्क साधावा असे आवाहन ग्राहक पंचायत महाराष्ट्र- सिंधुदुर्ग जिल्हा शाखेच्यावतीने करण्यात आले आहे.