डामरे येथील अनभवानी देवीचा जत्रोत्सव 13 रोजी

जत्रोत्सवात सहभागी होण्याचे आवाहन

पाच शेर पाणी जाळणारी आणि भक्तांच्या हाकेला व नवसाला धावून जाणारी डांमरे गावची ग्रामदेवता श्री देव गांगो अनभवानी माता हिचा वार्षिक जत्रोत्सव 13 डिसेंबर 2023 रोजी होणार आहे. या यात्रोत्सवाला उपस्थित राहण्याचे आवाहन गावाच्या वतीने करण्यात आले आहे. पाण्यावर दिवा या यात्रे दिवशी पेटवला जातो. पाचशेर पाणी कोव्हाळ्यात मानकरी ओततात तर नंतर ते पाणी दीप स्तंभावर ठेवलं जातं. देवाची स्वारी निघते. पाच फेऱ्या नंतर, दशावतारी नाट्य प्रयोग होतो. दुसऱ्या दिवशी अनभवानी उगम स्थानाकडे देवीचे सर्व तरंग घेऊन बारा पाचाचे मानकरी गाव व रयतेला घेऊन कानडे वाडी येथील ब्राह्मण देवस्थान कडे जातात. संपूर्ण गाव फेरी पूर्ण झाल्यावर देवाचे तरंग अनभवानी मातेच्या मंदिरात आणले जातात अशी माहिती ग्रामस्थ बबलू सावंत यांनी दिली.

कणकवली /प्रतिनिधी