सक्रिय नसलेल्या पदाधिकाऱ्यांच्या जागी नवीन पदाधिकाऱ्यांच्या नियुक्त्या होणार!

शिवसेना तालुका कार्यकारिणीच्या बैठकीत जिल्हाप्रमुख संदेश पारकर यांची माहिती

कणकवली शिवसेना ठाकरे गट कार्यकर्त्यांची बैठक विजय भवन मध्ये

        शिवसेना ठाकरे गट पक्षाच्या कणकवली तालुका कार्यकारणीची बैठक विजय भवन येथे पार पडली.  आमदार वैभव नाईक, शिवसेना जिल्हाप्रमुख संदेश पारकर, जिल्हाप्रमुख संजय पडते, कणकवली विधानसभा प्रमुख सतिश सावंत यांच्या प्रमुख उपस्थितीत झालेल्या या बैठकीत  पक्षाच्या आदेशानुसार बुथ स्तरीय अध्यक्ष नेमण्याचे नियोजन करण्यात आले. यावेळी जिल्हाप्रमुख पदी  नियुक्ती झाल्याबाबत संदेश पारकर यांचे कणकवली तालुक्याच्या वतीने अभिनंदन करण्यात आले. त्यांनतर उपस्थित शिवसैनिकांना प्रमुख पदाधिकारी यांनी संघटना बांधणी संदर्भात मार्गदर्शन केले. आणि काही महत्वाच्या सूचना दिल्या. तसेच जे पदाधिकारी सक्रिय नसतील किंवा महत्वाच्या बैठकांना येत नसतील त्यांच्या जागी नवीन पदाधिकारी नियुक्ती करण्यासंदर्भात सुचना करण्यात आल्या. प्रत्येक विभाग आणि गाव नुसार बैठका घेण्यासंदर्भात चर्चा आणि नियोजन करण्यात आले. यावेळी वरिष्ठांनी तालुक्यातील संघटनेचा आढावा घेतला. तसेच नुतन शिवसेना फोंडा विभागप्रमुख पदी सिद्धेश राणे यांची नियुक्ती करण्यात आली.
         यावेळी तालुकाप्रमुख शैलेश भोगले, तालुकाप्रमुख प्रथमेश सावंत, उपजिल्हाप्रमुख राजु शेट्ये, युवासेना जिल्हाप्रमुख सुशांत नाईक, महिला जिल्हाप्रमुख नीलम सावंत, सचिन सावंत, कन्हैया पारकर, हर्षद गावडे, राजु राठोड, भालचंद्र दळवी, उत्तम लोके, वैदेही गुडेकर, राजु रावराणे, प्रमोद मसुरकर, महेश कोदे, वैदेही गुडेकर, दिव्या साळगावकर, संजना कोलते, सुदाम तेली, धीरज मेस्त्री, अनिल बागवे, संतोष परब, अनुप वारंग, रुपेश आमडोसकर, विकास गुडेकर, आनंद ठाकुर, चंद्रकांत परब, निलेश सावंत, सिद्धेश राणे, दिलीप भोगले, सुरेश सुतार, प्रभाकर ताम्हणकर, एकनाथ कोकाटे, प्रविण सावंत, जगन्नाथ आजगावकर, सचिन खोचरे, सुधीर सावंत, गुरुनाथ पेडणेकर, अविनाश सावंत, सूर्यकांत तावडे, मंगेश मेस्त्री आदी शिवसैनिक मोठ्या संख्येने उपस्थित होते.

कणकवली प्रतिनिधी