🛑प्रियकराचा प्रेयसीवर जीवघेणा हल्ला

🛑 माटणे येथील घटना,प्रियकरास अटक

कोकण नाऊ l News Channel

✅प्रतिनिधी l दोडामार्ग
प्रेम संबंधावरून संशय घेत प्रेयसीवर जीवघेणा हल्ला केल्याप्रकरणी आंबडगाव येथील मनोहर अशोक गवस (वय २४) याला पोलिसांनी आज अटक केली.त्याला न्यायालयासमोर हजर केले असता एका दिवसाची पोलिस कोठडी सुनावण्यात आली. घटना माटणे येथे घडली.
प्रेयसीला मारण्याच्या उद्देशाने तिच्या डोक्यावर व हातावर लोखंडी हातोडीने मारून दुखापत केली . नंतर पेट्रोल किंवा रॉकेल सारखे काहीतरी अंगावर ओतून लायटरच्या साहाय्याने पेटवून जीवे ठार मारण्याचा प्रयत्न केला. त्यानंतर तिने कशीबशी सुटका करुन पळ काढत घर गाठले. सध्या तिच्यावर ग्रामीण रुग्णालयात उपचार सुरू आहेत. तिच्या प्रकृतीत सुधारणा होत आहे.
याप्रकरणी पोलिस निरीक्षक ऋषिकेश अधिकारी यांच्या मार्गदर्शनानुसार सहायक पोलिस निरीक्षक जयेश ठाकूर तपास करत आहेत.
प्रतिनिधी, कोकण नाऊ, दोडामार्ग