कणकवली तालुका वकील संघटनेच्या अध्यक्षपदी राजू परुळेकर तर उपाध्यक्षपदी रेखा सावंत यांची निवड

कणकवली तालुका वकील संघटनेची वार्षिक निवडणूक आज उत्साहपूर्ण वातावरणात पार पडली. यामध्ये सर्वानुमते नवीन कार्यकारिणीची निवड करण्यात आली. या निवडणुकीत अॅड. राजू परुळेकर यांची अध्यक्ष पदी, अॅड. रेखा उमेश सावंत यांची उपाध्यक्ष पदी, अॅड. मिलिंद सावंत यांची सचिव पदी तर अॅड. तुषार परब यांची खजिनदार पदी निवड झाली आहे.आज संध्याकाळी 4 वाजल्यापासून कणकवली न्यायालय आवारात मतदान प्रक्रिया सुरू झाली. तालुक्यातील सर्व वकील बांधवांनी मोठ्या संख्येने सहभाग घेतला. निवडणूक नि:पक्षपणे पार पाडण्यासाठी ज्येष्ठ वकिलांची निवडणूक समिती नेमण्यात आली होती. दुपारी मतमोजणी झाल्यानंतर निकाल जाहीर करण्यात आला.निवड झाल्यानंतर सर्व नवीन पदाधिकाऱ्यांचा पुष्पगुच्छ देऊन सत्कार करण्यात आला.नवीन अध्यक्ष अॅड. राजू परुळेकर यांनी बोलताना सांगितले की, “वकिलांच्या समस्या सोडवणे, न्यायालयीन कामकाज अधिक सुलभ करणे आणि नवीन वकिलांना मार्गदर्शन करणे हे आमचे प्राधान्य असेल. संघटनेच्या माध्यमातून सामाजिक बांधिलकी जपत विविध उपक्रम राबवू.”उपाध्यक्ष अॅड. रेखा सावंत यांनी महिला वकिलांच्या प्रश्नांवर विशेष लक्ष देणार असल्याचे सांगितले. तर सचिव अॅड. मिलिंद सावंत यांनी संघटन अधिक बळकट करण्याचा निर्धार व्यक्त केला.
निवडणूक शांततेत पार पाडल्याबद्दल सर्व वकील बांधवांनी सहकार्य केल्याचे खजिनदार अॅड. तुषार परब यांनी सांगितले.या प्रसंगी तालुक्यातील ज्येष्ठ वकील, बार असोसिएशनचे माजी पदाधिकारी आणि मोठ्या संख्येने वकील उपस्थित होते.