खारेपाटण हायस्कूल येथे ३० नोव्हेंबर रोजी जिल्हास्तरीय बुद्धीबळ स्पर्धा
सिंधुदुर्ग जिल्हा चेक सर्कल व खारेपाटण पंचक्रोशी शिक्षण प्रसारक मंडळ यांचे आयोजन
सिंधुदुर्ग जिल्हा चेक सर्कल सिंधुदुर्ग यांच्या मान्यतेने खारेपाटण पंचक्रोशी शिक्षण प्रसारक मंडळ खारेपाटण यांच्या वतीने दि. ३० नोव्हेंबर २०२५ रोजी खारेपाटण हायस्कूल येथे शालेय विद्यार्थ्यांसाठी भव्य जिल्हास्तरीय बुद्धीबळ स्पर्धेचे आयोजन करण्यात आले असल्याची माहिती नुकतीच खारेपाटण हायस्कूल व ज्युनियर कॉलेजचे प्राचार्य श्री संजय सानप यांनी प्रसिद्धी पत्रकाद्वारे दिली.
खारेपाटण हायस्कूल येथे दि. ३० नोव्हेंबर २०२५ रोजी सकाळी १० वाजता या स्पर्धेचे उद्घघाटन होणार असून ही सर्धा १९ वर्षाखालील मुलगे व मुली साठी ठेवण्यात आली आहे.तर या स्पर्धेसाठी प्रथम क्रमांक विजेत्या स्पर्धकास रोख १०००/- रुपये व आकर्षक चषक तर पुढील अनुक्रमे विजेत्या स्पर्धकांना ९००, ८००, ७००, ६०० व पुढील पाच विजेत्यांना रोख रुपये ५००/- व आकर्षक चषक देण्यात येणार आहे.
तसेच या स्पर्धेकरिता ९, ११ ,१४, १७, १९ हा वयोगट निश्चित करण्यात आला असून प्रत्येक गटातील ५ मुलगे आणि ५ मुली यांना आकर्षक मेडल देण्यात येणार आहे. तर या स्पर्धेकरिता २०० /- रुपये प्रवेश फी ठेवण्यात आली असून ज्या स्पर्धांकाना या बुद्धीबळ स्पर्धेत सुभग घ्यावयाचा आहे त्यांनी आपली नावे दि. २८ नोव्हेंबर २०२५ पर्यंत ९४२२३८१९४९ गुगल पे नंबर वर प्रवेश फी भरून नोंदवावी. तसेच त्याचा स्क्रीन शॉर्ट पाठवावा व सोबत नाव, गाव, जन्मदिनाक यांचा देखील उल्लेख करावा. असे आयोजकांच्या वतीने कळविण्यात आले आहे.
या स्पर्धेकरिता पुढील नियम व अटी ठेवण्यात आले आहेत. – १)स्पर्धा स्विस लीग पद्धतीने खेळविण्यात येईल. २) स्पर्धेच्या सहा फेऱ्या होतील. ३) प्रत्येक फेरी ३० मिनिटांची राहील. ४) स्पर्धा फिडे च्या नियमांनी खेळवली जाईल. तसेच स्पर्धेत सहभागी स्पर्धकांना चहा नाश्ता दिला जाईल तसेच स्पर्धा सहभाग प्रमाण दिले जाईल. तर या बुद्धिबळ सर्धेसाठी जिल्ह्यातील बुद्धिबळपटू श्रीकृष्ण तांडेलकर सर हे पंच म्हणून काम पाहणार आहेत. तरी जास्तीत जास्त सर्धकानी स्पर्धेत सहभाग घ्यावा. असे आवाहन खारेपाटण प्रशालेचे मुख्याध्यापक श्री. संजय सानप – ७५२२९४७२३६ यांनी केले आहे. तर स्पर्धेच्या अधिक माहितीसाठी श्री सुयोग धामापूरकर (मालवण) ९४०४३९६२१६ यांचेशी संपर्क साधावा. असे आयोजकांच्या वतीने कळविण्यात आले आहे.
