पोलिस हवालदार रामदास गोसावी, पोलिस नाईक रुपेश सारंग यांचा कुडाळवासियांतर्फे विशेष सत्कार

कुडाळ तालुका व्यापारी संघटना, कुडाळ शहर व्यापारी आणि शहरातील नागरिक यांच्यातर्फे गौरव

कुडाळ : गुरुवारी पहाटे ४ च्या सुमारास कुडाळ शहरामध्ये नगरपंचायतीच्या मागच्या बाजूला असणाऱ्या तवटे यांच्या घराच्या परिसरात मोठी आग लागणार होती. याबाबत कर्तव्यपणा दाखवीत कुडाळ पोलीस स्टेशनचे पोलिस हवालदार रामदास गोसावी, पोलिस नाईक रुपेश सारंग हे घटनास्थळी दाखल होऊन त्यांनी तत्काळ आग आटोक्यात आणली. यामुळे पुढील अनर्थ टळला. त्याबद्दल पोलिस हवालदार रामदास गोसावी, पोलिस नाईक रुपेश सारंग यांचा कुडाळ तालुका व्यापारी संघटना, कुडाळ शहर व्यापारी आणि कुडाळ शहरातील नागरिक यांच्यातर्फे शाल व श्रीफळ देऊन सत्कार करण्यात आला. यावेळी नगराध्यक्षा आफ्रिन करोल, व्यापारी संघटना माजी जिल्हाध्यक्ष द्वारकानाथ घुर्ये, कुडाळ तालुका व्यापारी संघटना अध्यक्ष श्रीराम शिरसाट, माजी नगराध्यक्ष ओंकार तेली, व्यापारी संघटना जिल्हा उपाध्यक्ष संजय भोगटे, सामाजिक कार्यकर्ते प्रसाद शिरसाट, कुंदा तवटे, जयराम डिगसकर, गोविंद सावंत नितीश महाडेश्वर आदी उपस्थित होते.

रोहन नाईक, कोकण नाऊ, कुडाळ