साई कला क्रीडा मंच तर्फे नाबरवाडीत शिवजयंती साजरी

राजू आणि श्रेया गवंडे दाम्पत्याचा तहसीलदार यांच्या हस्ते सत्कार

नूतन तहसीलदार वीरसिंग वसावे यांचाही केला सन्मान

निलेश जोशी । कुडाळ : शहरातील नाबरवाडी येथे साई कला क्रीडा मंडळाच्या वतीने शिवजयंतीच्या निमित्ताने विविध सांस्कृतिक कार्यक्रमांचे आयोजन करण्यात आले होते. यावेळी नागरसेविका श्रेया गवंडे आणि राजू गवंडे यांचा, तसेच तहसीलदार वीरसिंग वसावे यांचा सत्कार करण्यात आला.
या सांस्कृतिक कार्यक्रमाचा शुभारंभ कुडाळ तहसिलदार विरसिंग वसावे यांच्या शुभहस्ते कार्यक्रमाचे श्रीफळ वाढवून करण्यात आला. यावेळी राजु गवंडे आणि श्रेयाताई गवंडे या दांपत्यांला शिवप्रतिमा व शाल, श्रीफळ देऊन सन्मानित करण्यात आले. तसेच साई कला क्रीडा मंडळाच्या वतीने नुतन तहसिलदार विरसिंग वसावे यांचाही सन्मान राजु गवंडे यांच्या हस्ते करण्यात आला. या कार्यक्रमाला कुडाळ मालवण मतदारसंघाचे आमदार वैभव नाईक यांनीही भेट देऊन शुभेच्छा दिल्या,
यावेळी बोलताना श्री वसावे म्हणाले आपण कुडाळ तालुक्यात २००४ मध्ये ट्रेनिंग तहसिलदार म्हणून आलो होतो. आज कुडाळ तहसिलदार म्हणून कार्यभार स्वीकारला असता कुडाळ शहर झपाट्याने प्रगतीकडे गेलेले पहायला मिळाले. आज या मंडळाच्या वतीने सामाजिक कार्यात अग्रेसर असलेले राजु गवंडे आणि श्रेयाताई गवंडे या दांपत्यांचा सन्मान होतो ही खरोखरच अतिशय चांगली गोष्ट आहे. कारण ही शाल पुढच्या सामाजिक कार्यासाठी उभारी देऊन काम आणखीन जोमाने करण्याची उर्जा देते. माझाही तुम्ही सन्मान केलात त्या बद्ल धन्यवाद देऊन या तालुक्यातील जनतेची सेवा करण्याची ताकद मला इथल्या देवतेने द्यावी तसेच तुम्हा जनतेचे आशिर्वाद आम्हाला मिळु देत अशी अपेक्षा श्री. वसावे यांनी यावेळी व्यक्त केली.
या कार्यक्रमाला सामाजिक कार्यकर्ते अतुल बंगे, नगरसेवक उदय मांजरेकर, माजी उपनगराध्यक्ष मंदार शिरसाट, गुरु गडकर ,अमरसेन सावंत, उदय बाणे, साईश नाबर, रोहीत राऊळ, हेमंत गवंडे, गोट्या पंडीत, प्रथमेश राऊळ, श्रीराम काजरेकर, सचिन खोत, संदेश सावंत, धनंजय परब, ओम गवंडे, तोरस्कर सर, राठोड सर, बाळा गवंडे व इतर उपस्थित होते.

निलेश जोशी, कोकण नाऊ, कुडाळ.