अखेर कणकवलीतील केटी बंधाऱ्यांचे पाणी अडविण्याच्या कामाला सुरुवात

माजी नगराध्यक्ष समीर नलावडे, राष्ट्रवादी जिल्हाध्यक्ष अबीद नाईक यांनी वेधले होते लक्ष

कनकनगर मधील बंधाऱ्याच्या दोन दिवसात प्लेट बंद करणार

कणकवली शहरातील बंधाऱ्यावर लोखंडी प्लेट टाकून पाणी अडवण्यास सुरुवात करण्यात आली आहे. यावेळी माजी नगराध्यक्ष समीर नलावडे, राष्ट्रवादी काँग्रेस जिल्हाध्यक्ष तथा माजी नगरसेवक अबिद नाईक, वागदे सरपंच संदीप सावंत, माजी नगरसेवक संजय कामतेकर, अभि मुसळे, बंडू गांगण, भाजपा शहराध्यक्ष अण्णा कोदे आदी उपस्थित होते. येत्या 2 दिवसांत कनकनगर येथील बंधाऱ्यावर सुदधा लोखंडी प्लेट टाकण्यात येणार आहेत. यामुळे कणकवली शहरासह लगतच्या वागदे, हळवल गावातील संभाव्य पाणीटंचाई रोखली जाणार माजी नगराध्यक्ष समीर नलावडे, राष्ट्रवादी काँग्रेस जिल्हाध्यक्ष अबिद नाईक यांनी संभाव्य पाणी टंचाई लक्षात घेत कणकवली वागदे दरम्यानच्या केटी बंधारा आणि कणकवली शहरातील कनकनगर येथील बंधाऱ्यावर लोखंडी प्लेट टाकून पाणी अडवावे अशी मागणी केली होती. नगरपंचायत च्या मुख्याधिकाऱ्यांना यासंदर्भात कार्यकारी अभियंता (ल.पा.) यांच्याकडे लेखी पत्रव्यवहार करण्याची सूचनाही केली होती. त्यानुसार आजपासून मराठा मंडळ नजीक केटी बंधाऱ्यावर लोखंडी प्लेट टाकण्यास सुरवात करण्यात आली आहे. याबाबत कणकवली शहरवासीय, वागदे, हळवल ग्रामस्थांमध्ये समाधान व्यक्त होत आहे. कनकनगर मधील बंधाऱ्यावर देखील दोन दिवसात प्लेट टाकून पाणी अडवले जाणार आहे अशी माहिती श्री नलावडे यांनी दिली.

कणकवली प्रतिनिधी