मा.आ. प्रमोद जठार, सिंधुरत्न समृद्धी योजना सदस्य, यांचा मच्छीमार व पर्यटन व्यवसायिक यासाठी पुढाकार

सिंधू रत्न समृद्धी योजने अंतर्गत पर्यायी इंधन वरील नौका इंजिन साठी मच्छीमार व पर्यटन व्यवसायिक याना अनुदान द्या भाजपा मच्छीमार सेल ची मागणी..

मत्स्य व्यवसाय खात्याने नुकतेच मच्छीमारांसाठी पर्याय इंधन म्हणून गॅसवरील इंजिनची मासेमारी लोकांसाठी चाचणी घेतली होती. सदरच्या चाचण्या मालवण व देवगड बंदर या ठिकाणी यशस्वीरित्या पार पडल्या. सद्यस्थितीत नौकाना वापरण्यात येणाऱ्या आउटबोट मशीनसाठी पेट्रोल हे इंधन वापरले जाते .इंधनाचे वाढते दर यामुळे मत्स्य व्यवसायामध्ये मोठ्या खर्च इंधनावर होतो. त्याचा थेट परिणाम मच्छीमारास अथवा पर्यटन व्यवसायिक याना मिळणाऱ्या उत्पन्नावर होतो. गॅसवरील इंजिन मुळे इंधनावरील खर्च सुमारे 60 टक्क्यापर्यंत कमी होणार आहे. त तसेच सागरी प्रदूषणामध्ये पण घट होणार आहे . सद्य स्थितीत वापरण्यात येणाऱ्या पेट्रोल वरील इंजिन चे गॅस मध्ये रूपांतरित करण्यासाठी सुमारे 40 हजार रुपये खर्च आहे .यासाठी शासनाने मच्छीमार व पर्यटन नौकासाठी अनुदान द्यावे म्हणून भाजपा मच्छीमार सेल ने सिंधू रत्न समृद्धी योजना चे सदस्य माजी आमदार प्रमोदजी जठार यांच्याकडे मागणी केली.
मोरयाच्या धोंडा येथे शासकीय पूजेनिमित्त मालवण दौऱ्यावर असलेल्या माजी आमदार जठार यांनी सदर मागणीस सकारात्मक प्रतिसाद देऊन तात्काळ अस्य आयुक्तांना प्रस्ताव सादर करण्याचे आदेश दिले. दांडी येथे झालेल्या मच्छीमारांच्या बैठकीमध्ये सिंधू रत्न समृद्धी योजनेअंतर्गत रापण करांच्या जाळ्यांसाठी विशेष अनुदान योजना राबवण्याची ,तसेच मासेमारी लोकांची साठी असलेली बंदावस्थेतील योजना पुनर्रचित करण्याची मागणी उपस्थित मच्छीमारांमधून केली गेली. याबाबत सुद्धा माजी आमदार प्रमोद जठार यांनी अनुकूलता दर्शवली.
यावेळी श्री अशोक तोडणकर,रमेश तोडणकर,श्री भाऊ मोरजे,श्री भाई ढोके ,भाजप तालुकाध्यक्षश्री धोंडी चिंदरकर श्री.बाबा मोडकर ,अवि सामंत ,सुधीर जोशी,प्रमोद खवनेकर,बाबू जोशी,दामू तोडणकर ,जयमाला मयेकर व इतर मच्छिमार उपस्थित होते.

मालवण (प्रतिनिधी)