डॉ. नेरुरकर यांची राणे हॉस्पिटल आणि रिसर्च सेंटरला भेट
फिलाडेल्फिया- अमेरिका येथील प्रसिद्ध स्त्री रोगतज्ञ डॉ. अनिल नेरुरकर यांनी येथील राणे हॉस्पिटल अँड मेडिकल रिसर्च सेंटरला सदिच्छा भेट देऊन समाधान व्यक्त केले. डॉ. अनिल नेरुरकर यांचे स्वागत राणे हॉस्पिटल अँड मेडिकल रिसर्च सेंटरचे ए टि राणे आणि डॉ. जी. टी. राणे यांनी केले. डॉ. नेरुरकर यांनी संपूर्ण हॉस्पिटलची पाहणी करून समाधान व्यक्त केले. यावेळी बोलताना ए टी राणे यांनी सांगितले, डॉ. अनिल नेरुरकर यांचे स्वागत करताना आम्हाला खरोखरच आनंद वाटत आहे. त्यांची भेट, मार्गदर्शन आणि मौल्यवान अंतर्दृष्टी आमच्या वैद्यकीय पथकासाठी एक उत्तम प्रेरणा आहे. त्यांनी वेळ काढल्याबद्दल आणि रुग्णांना सन्मानाने, समर्पणाने आणि आरोग्यसेवेतील उत्कृष्टतेसाठी वचनबद्धतेने सेवा देण्याच्या आमच्या ध्येयात आम्हाला प्रेरित केले आणि प्रोत्साहन दिले याबद्दल त्यांचे खूप खूप आभार, अशा शब्दात ए टी राणे यांनी डॉ. नेरुरकर यांच्या प्रति कृतज्ञता व्यक्त केली. यावेळी डॉ. जी टी राणे, कमशीप्र मंडळाचे पदाधिकारी महेंद्र गवस आदी उपस्थित होते.
