वैभववाडी-कोकिसरे, गडमठ, लोरे नं.२, नापणे येथील ठाकरे शिवसेनेचे शेकडो पदाधिकारी,कार्यकर्त्यांचा भाजपात प्रवेश
प्रमुख पदाधिकाऱ्यांच्या प्रवेशामुळे वैभववाडीत ठाकरे सेना भुईसपाट
मंत्री नितेश राणे यांच्या नेतृत्वाखाली भाजप प्रवेशाचा धडाका सुरू
वैभववाडी तालुक्यातील कोकिसरे बांधवाडी, गडमठ, लोरे नं.२, नापणे परिसरातील ठाकरे शिवसेना पक्षाचे असंख्य पदाधिकारी आणि शिवसैनिकांनी पालकमंत्री नितेश राणे यांच्या उपस्थितीत भारतीय जनता पार्टीत जाहीर पक्षप्रवेश केला. कोकिसरे माजी सरपंच राजाराम गडकर यांच्यासह अनेक शिवसैनिक भाजपत दाखल होताच, कोकिसरे गावातून ठाकरे सेना पक्षाचे पानिपत झाले. नापणे येथील तालुका खरेदी विक्री संघाचे संचालक व ग्रामपंचायत सदस्य, सोसायटी सदस्य पांडुरंग पाटील यांच्या पक्ष प्रवेशाने सुद्धा ठाकरे सेनेला धक्का बसला आहे.
माजी पंचायत समिती सदस्य मंगेश लोके यांच्या प्रवेशानंतर वैभववाडीतील ठाकरे सेना गारद झाली. राणे यांच्या नेतृत्वाखाली दररोज कार्यकर्ते भाजपत दाखल होत आहेत. या वेळी माजी शाखाप्रमुख विलास कदम, माजी शाखा प्रमुख विजय मसुरकर, युवासेना प्रमुख नागेश आडके, राजाराम आडके, जयेंद्र कुळी, तुषार घाडी, दीपक कदम, नितीन सावंत, जयवंत साटम, सत्यवान साटम, देविदास नार्वेकर, विजय कदम, संतोष कदम, राजेंद्र आडके, संदीप आडके, गणेश आडके, विजय मसूरकर, सदानंद साटम, शंकर कदम, दिनकर कदम, अंकुश लाड, दत्ताराम कुळी, राजाराम गडकर, प्रकाश आमरसकर, प्रकाश विटेकर, प्रकाश पर्वते, चंद्रकांत गवाळे तसेच लोरे नं.२ येथील बुथ प्रमुख नारायण म्हदेव, तर नापणे येथील तालुका खरेदी विक्री संघाचे संचालक व ग्रामपंचायत सदस्य, सोसायटी सदस्य पांडुरंग पाटील यांच्यासह असंख्य ठाकरे सेना कार्यकर्त्यांनी भारतीय जनता पार्टीचा झेंडा हातात घेतला.
यावेळी भारतीय जनता पार्टीचे बँक संचालक दिलीप रावराणे , माजी सभापती बंड्या मांजरेकर, मंगेश लोके, किशोर कांबळे, बंटी रावराणे,उमेश पवार, आदी भाजप पदाधिकारी उपस्थित होते.
