कनेडी प्रशालेची प्रज्योती जाधव हीची तायक्वांदोच्या राष्ट्रीय स्पर्धेसाठी निवड
छत्रपती संभाजीनगर येथे झालेल्या स्पर्धेत मिळवले सुवर्णपदक
माध्यमिक विद्या मंदिर कनेडी तथा कनिष्ठ महाविद्यालायाच्या विध्यार्थीनीने यावर्षी राज्यस्तरीय वैयक्तिक क्रीडा प्रकारात राज्यात आपला दबदबा कायम ठेवत नावलौकिक मिळवला आहे. प्रशालेत १२ वी विज्ञान शाखेती प्रज्योती जाधव ने छत्रपती संभाजीनगर येथे झालेल्या शालेय राज्यस्तरीय तायक्वांदो स्पर्धेत सुवर्ण पदक पटकावले असून तिची जम्मू काश्मीर येथे होणाऱ्या राष्ट्रीय स्पर्धेसाठी निवड झाली आहे.
क्रीडा व युवक सेवा संचालनालय, महाराष्ट्र राज्य, पुणे अंतर्गत जिल्हा क्रीडा अधिकारी कार्यालय आणि जिल्हा क्रीडा परिषद, छत्रपती संभाजीनगर तर्फे झालेल्या राज्यस्तरीय शालेय तायक्वांदो क्रीडा स्पर्धा नुकतीच झाली. यास्पर्धेत ज्युनियर कॉलेज कनेडी प्रशालेने यावर्षी राज्यस्तरीय वैयक्तिक क्रीडा प्रकारात राज्यात आपला दबदबा कायम ठेवत नावलौकिक मिळवला आहे. प्रशालेतील बारावी विज्ञान शाखेतील प्रज्योती जाधव हीने छत्रपती संभाजीनगर येथे झालेल्या शालेय राज्यस्तरीय तायक्वांदो स्पर्धेत सुवर्ण पदक पटकावेल. जम्मू काश्मीर येथे होणाऱ्या राष्ट्रीय स्पर्धेसाठी प्रज्योतीची निवड झाली आहे. प्रज्योतीला क्रीडा स्पर्धेची आवड असून जिल्हास्तरावरील विविध क्रीडा प्रकारात तीने यश संपादन केले आहे. प्रशालेतील अष्टपैलू खेळाडू म्हणून तीची ओळख निर्माण झाली आहे. सध्या ती तायक्वांदो स्पर्धेचा सराव नियमित करत आहे. या यशस्वीतेसाठी कनेडी गट शिक्षण प्रसारक मंडळाचे अध्यक्ष सतीश सावंत, संस्था पदाधिकारी, शालेय समिती चेअरमन आर.एच. सावंत, शालेय समिती पदाधिकारी तसेच प्रशालेचे मुख्याध्यापक तथा प्राचार्य सुमंत दळवी, मार्गदर्शक शिक्षक बयाजी बुराण, शिक्षक आणि शिक्षकेतर कर्मचारी, पालक आणि विद्यार्थी, क्रीडा प्रेमी यांच्या कडून प्रज्योतीचे कौतुक आणि अभिनंदन होत आहे.
